ଫୁଲବାଣୀ:ଜିଓ ଟାୱାର ନାହିଁ ତ, ଭୋଟ ନାହିଁ । ଜିଲ୍ଲାପାଳଙ୍କ ସମ୍ମୁଖରେ ଏଭଳି ଦାବି ରଖିଛନ୍ତି କନ୍ଧମାଳ ଜିଲ୍ଲା ଖଜୁରିପଡ଼ା ବ୍ଲକ ଅନ୍ତର୍ଗତ ଅଦାସୀପଡ଼ା ପଞ୍ଚାୟତବାସୀ । ଟାୱାର ଦାବିରେ ଏହି ପଞ୍ଚାୟତବାସୀ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗୁରୁବାର ବିକ୍ଷୋଭ ପ୍ରଦର୍ଶନ କରିଛନ୍ତି ।
ଗାଁରେ ଟାୱାର ସ୍ଥାପନ ଦାବିରେ ଜିଲ୍ଲାପାଳଙ୍କ ଅଫିସ ଘେରାଉ
ପଞ୍ଚାୟତର ସରପଞ୍ଚଙ୍କ ନେତୃତ୍ବରେ ଶତାଧିକ ଲୋକେ ଜିଲ୍ଲାପାଳ ଅଫିସ ଆସି ଦାବି ପତ୍ର ଦେଇଛନ୍ତି । ଏହା ସହିତ ଯଦି ପଞ୍ଚାୟତ ନିର୍ବାଚନ ପୂର୍ବରୁ ଜିଓ ଟାୱାର ବସା ନ ଯାଏ ତା' ହେଲେ ପଞ୍ଚାୟତ ନିର୍ବାଚନରେ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି ପଞ୍ଚାୟତ ବାସୀ ।