ଘର ଭିତରେ ପଶିଗଲା କାର, ଜଣେ ମୃତ

ଭୋଜି ଖାଇ ଘରକୁ ଫେରିବା ସମୟରେ ଅଘଟଣ । କାର ଦୁର୍ଘଟଣାରେ ଜଣେ ମୃତ । ମୃତକ ହେଲେ ବାଲିଗୁଡା ଥାନା ଲଣ୍ଡା ଗାଁର ମାଖନ ଦାଣ୍ଡିଆ । ଅଧିକ ପଢନ୍ତୁ...

ଫୁଲବାଣୀ: ଭୋଜି ଖାଇ ଘରକୁ ଫେରିବା ସମୟରେ ଅଘଟଣ । କାର ଦୁର୍ଘଟଣାରେ ଜଣେ ମୃତ । ମୃତକ ହେଲେ ବାଲିଗୁଡା ଥାନା ଲଣ୍ଡା ଗାଁର ମାଖନ ଦାଣ୍ଡିଆ । ଭାରସାମ୍ୟ ହରାଇ ଦ୍ରୁତ ଗତିରେ ଥିବା କାର ମାଖନ ଦାଣ୍ଡିଆଙ୍କ ଉପରେ ଚଢ଼ିଯାଇଥିଲା ପରେ ଜଣେ ବ୍ୟକ୍ତିଙ୍କ ଘରକୁ ପିଟିଥିଲା କାର ଚାଳକ।

ମାଖନ ଭୋଜି ଖାଇ ଘରକୁ ଫେରୁଥିବା ବେଳେ ବାଲିଗୁଡାରୁ ଲଣ୍ଡାଗାଁ ଦେଇ ଯାଉଥିବା କାର ପ୍ରଥମେ ଧକ୍କା ଦେଇଥିଲା । ଭାରସାମ୍ୟ ହରାଇ ଚିରାଧର ରଣା ନାମକ ବ୍ୟକ୍ତିଙ୍କ ଘର ଉପରକୁ ଚଢିଯାଇଥିଲା କାର । ଘଟଣା ପରେ କାର ଡ୍ରାଇଭର ଫେରାର ଥିବା ବେଳେ ଜଣକୁ ଗ୍ରାମବାସୀ ଅଟକ ରଖିଛନ୍ତି ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ