ଫୁଲବାଣୀ:କନ୍ଧମାଳ ଜିଲ୍ଲା ଟିକାବାଲି ଥାନା ପୋଲିସ ଏକ ଡକାୟତି ମାମଲାରେ 5 ଜଣଙ୍କୁ ଗିରଫ କରିଛି । ସେମାନଙ୍କ ଠାରୁ 20 ଗ୍ରାମ ସୁନା ଗହଣା, ଦୁଇଟି ବାଇକ ଜବତ ମଧ୍ୟ ଜବତ କରିଛି ପୋଲିସ । ଗିରଫ ଅଭିଯୁକ୍ତମାନେ ହେଲେ ବ୍ରାହ୍ମଣୀ ଗାଁର ଉଦ୍ଧବ ମଲ୍ଲିକ, ଆଦମ ମାଝୀ, ରହିମ ମାଝୀ, ଦାରିଙ୍ଗିବାଡିର କୃପାକର ମୁଖୀ ଓ ଟିକାବାଲି କଇଁଝରର ସଞ୍ଜୟ କୁମାର ମଳିକ ।
କନ୍ଧମାଳ ଲୁଟ୍ ମାମଲା: ୫ ଅଭିଯୁକ୍ତ ଗିରଫ
ମିଳିଥିବା ସୂଚନା ଅନୁସାରେ ଟିକାବାଲି ଥାନା ଅନ୍ତର୍ଗତ କଇଁଝର ଗ୍ରାମର ପ୍ରଶାନ୍ତ ପାତ୍ରଙ୍କ ଘରୁ ଗତ ଏପ୍ରିଲ ୨୩ ତାରିଖ ମଧ୍ୟ ରାତ୍ରିରେ 7 ରୁ ଊର୍ଦ୍ଧ୍ବ ଡକାୟତ ଘରେ ପସିଥିଲେ । ସେଠାରେ ଖେଳନା ବନ୍ଧୁକ ଦେଖାଇ ଭୟଭୀତ କରିବା ସହ ପ୍ରଶାନ୍ତଙ୍କୁ ମାଡ଼ମାରି ବହୁ ସୁନା ଗହଣା, ମୋବାଇଲ, ଏକ ଟାବ୍ଲେଟ, 60 ହଜାର ଟଙ୍କା ଲୁଟି ନେଇଥିଲେ । 24 ତାରିଖରେ ପ୍ରଶାନ୍ତ ଥାନାରେ ଏତଲା ଦେବାପରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା ।