ଫୁଲବାଣୀ: ଜିଲ୍ଲା ଫିରିଙ୍ଗିଆ ବ୍ଲକ ଗୋଚ୍ଛାପଡା ଥାନା ଅନ୍ତର୍ଗତ ବାରାହାଲା ପୋଲିଙ୍ଗ୍ ବୁଥ୍ ନିକଟରେ ନକ୍ସଲ ଗୁଳିରେ ମୃତ୍ୟୁବରଣ କରିଥିଲେ ଜିଆରଏସ୍ ସଂଯୁକ୍ତା ଦିଗାଲ । ଶନିବାର ପରିବାରକୁ ତିରିଶ ଲକ୍ଷ ଟଙ୍କାର ଚେକ୍ ପ୍ରଦାନ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା,କନ୍ଧମାଳ
ତେବେ ସାଧାରଣ ନିର୍ବାଚନର ପୂର୍ବଦିନ (ଅପ୍ରେଲ 17 ତାରିଖରେ) ନିର୍ବାଚନ କାର୍ଯ୍ୟରେ ବୁଥକୁ ଆସୁଥିବା ମୋବାଇଲ୍ ପୋଲିଙ୍ଗ ଗାଡି ଉପରେ ନକ୍ସଲ ଲ୍ୟାଣ୍ଡମାଇନ ବିସ୍ପୋରଣ କରିବା ସହ ଗୁଳିମାଡ କରିଥିଲେ । ଗୋଟିଏ ଗୁଳି ସଂଯୁକ୍ତାଙ୍କ ମୁଣ୍ଡରେ ବାଜିଥିଲା ଏବଂ ସେଠାରେ ହିଁ ତାଙ୍କର ମୃତ୍ୟୁ ଘଟିଥିଲା ।
ଯାହାକୁ ନେଇ ନିର୍ବାଚନ କମିଶନଙ୍କ ତରଫରୁ ଅତିରିକ୍ତ ଜିଲ୍ଲାପାଳ ତଥା ତତ୍କାଳୀନ ଅତିରିକ୍ତ ନିର୍ବାଚନ ଅଧିକାରୀ ବସନ୍ତ କୁମାର ସାହୁ ସଂଯୁକ୍ତାଙ୍କ ପରିବାରକୁ 30 ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରିଛନ୍ତି।