ଦାରିଙ୍ଗବାଡିରେ ମିନି ବସ୍ ଦୁର୍ଘଟଣାଗ୍ରସ୍ତ: 2 ଗୁରୁତର

କନ୍ଧମାଳ ଜିଲ୍ଲା ଦାରିଙ୍ଗବାଡିରେ ବସ୍ ଦୁର୍ଘଟଣାଗ୍ରସ୍ତ । 2 ଗୁରୁତର 5 ଆହତ । ଅଧିକ ପଢନ୍ତୁ...

ଫୁଲବାଣୀ: ଜିଲ୍ଲାସ୍ଥିତ ଦାରିଙ୍ଗବାଡିରେ ଏକ ଘରୋଇ ମିନି ବସ୍ ଦୁର୍ଘଟଣାଗ୍ରସ୍ତ ହୋଇଛି । ଏଥିରେ ୨ ଜଣ ଗୁରୁତର ଆହତ ହୋଇ ଥିବାବେଳେ ୫ ଜଣରୁ ଊର୍ଦ୍ଧ୍ୱ ସାମାନ୍ୟ ଆହତ ହୋଇଛନ୍ତି । ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।

ସୂଚନା ଅନୁଯାୟୀ କନ୍ଧମାଳ ଜିଲ୍ଲା ଦାରିଙ୍ଗବାଡି ଥାନା ପେତାରବାଡ଼ି ଘାଟିରେ ଏକ ଘରୋଇ ମିନି ବସ ବ୍ରେକ ଫେଲ କାରଣରୁ ଦୁର୍ଘଟଣାଗ୍ରସ୍ତ ହୋଇଛି । ରାଇକିଆରୁ ଦାରିଙ୍ଗବାଡି ଦେଇ କୋଟଗଡ଼ ବ୍ଲକର ରାଣୀପାଙ୍ଗା ଅଞ୍ଚଳକୁ ଯାଉଥିବା ସମୟରେ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣାରେ 2 ଜଣ ଗୁରୁତର ଆହତ ହୋଇଛନ୍ତି । ଏଥି ମଧ୍ୟରୁ ଜଣେ ଗୁରୁତରଙ୍କୁ ଦାରିଙ୍ଗବାଡି ମେଡିକାଲରେ ପ୍ରାଥମିକ ଚିକିତ୍ସା କରାଯାଇ ବ୍ରହ୍ମପୁର ବଡ଼ ମେଡିକାଲକୁ ରେଫର କରାଯାଇଛି । ପ୍ରଧାନ ଏଣ୍ଡ ପ୍ରଧାନ ନାମକ ଘରୋଇ ବସ ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ମିଳିଛି ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ