ଫୁଲବାଣୀ: ବ୍ୟାଙ୍କରୁ ମଧ୍ୟାହ୍ନଭୋଜନ ଟଙ୍କା ଉଠାଇ ସ୍କୁଲକୁ ଫେରିବା ସମୟରେ ପ୍ରଧାନଶିକ୍ଷକଙ୍କ ଠାରୁ ଲୁଟ୍ ଅଭିଯୋଗ(Loot From Head Master) । ବାଲିଗୁଡା ପାଟଖଣ୍ଡା ବନ୍ଧ ନିକଟସ୍ଥ SBI ଏଟିଏମ ନିକଟରେ ୨ଟି ବାଇକରେ ଆସି ୪ ଜଣ ଦୁର୍ବୃତ୍ତ ପ୍ରଧାନଶିକ୍ଷକଙ୍କ ଠାରୁ ଟଙ୍କା ବ୍ୟାଗ ଝାମ୍ପି ନେଇଥିବା ଜଣାପଡିଛି ।
Kandhamal Loot: ପ୍ରଧାନ ଶିକ୍ଷକଙ୍କ ଠାରୁ ଲୁଟିନେଲେ ୨ ଲକ୍ଷ
ସୂଚନା ଅନୁଯାୟୀ ମୁଣ୍ଡାସାହି ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ରଞ୍ଜିତ କୁମାର ନାୟକ ମଧ୍ୟାହ୍ନ ଭୋଜନ ଟଙ୍କା ଉଠେଇବାକୁ ବାଲିଗୁଡା SBI ବ୍ୟାଙ୍କର ବଜାର ବ୍ରାଞ୍ଚକୁ ଆସିଥିଲେ । ଟଙ୍କା ଉଠାଇ ବାଇକ ଯୋଗେ ସ୍କୁଲକୁ ଫେରୁଥିଲେ । ଏହି ସମୟରେ ବାଲିଗୁଡା ପାଟଖଣ୍ଡା ବନ୍ଧ ନିକଟରେ ପ୍ରଧାନଶିକ୍ଷକଙ୍କ ବାଇକକୁ ପଛପଟୁ ଆଉ ଏକ ବାଇକ୍ ଧକ୍କା ଦେଇଥିଲା । ଫଳରେ ପ୍ରଧାନଶିକ୍ଷକ ତଳେ ପଡିଯିବାରୁ ତାଙ୍କ ନିକଟରୁ ୨ ଲକ୍ଷ ୭୦ ହଜାର ଲୁଟି ନେଇଛନ୍ତି ଦୁର୍ବୃତ୍ତ ।