କନ୍ଧମାଳ ଜିଲ୍ଲାର ସମସ୍ତ ସଙ୍ଗରୋଧ କେନ୍ଦ୍ରରେ 144 ଜାରି

କନ୍ଧମାଳ ଜିଲ୍ଲାର ସମସ୍ତ କ୍ଵାରେଣ୍ଟାଇନ ସେଣ୍ଟର, ସଙ୍ଗରୋଧ ଗୃହ, ଅସ୍ଥାୟୀ ମେଡ଼ିକାଲ ସେଣ୍ଟରରେ 144 ଧାରା ଜାରି କରିଛନ୍ତି ଜିଲ୍ଲାପାଳ । ଜିଲ୍ଳାକୁ ପ୍ରବାସୀ ଦାଦନ ଫେରୁଥିବାରୁ ଏପରି କଡା କଟକଣା ଜାରି କରାଯାଇଛି।

ଫୁଲବାଣୀ: କନ୍ଧମାଳ ଜିଲ୍ଲାକୁ ଫେରୁଛନ୍ତି ପ୍ରବାସୀ ଶ୍ରମିକ । ଗୁଜରାଟ, ତାମିଲନାଡୁ, କେରଳ, ମହାରାଷ୍ଟ୍ର ପ୍ରଭୃତି ରାଜ୍ୟରୁ ଦାଦନ ମାନେ କନ୍ଧମାଳ ଫେରୁଛନ୍ତି । ଏମାନଙ୍କୁ ସ୍ୱତନ୍ତ୍ର ସଙ୍ଗରୋଧ କେନ୍ଦ୍ରରେ ରଖାଯାଉଛି । ସୁରକ୍ଷା ଓ କୋରୋନା ସଂକ୍ରମଣକୁ ରୋକିବା ପାଇଁ ଜିଲ୍ଲାପାଳ ଡା ବୃନ୍ଦା ଡି ଜିଲ୍ଲାର ସମସ୍ତ କ୍ଵାରେଣ୍ଟାଇନ ସେଣ୍ଟର, ସଙ୍ଗରୋଧ ଗୃହ, ଅସ୍ଥାୟୀ ମେଡ଼ିକାଲ ସେଣ୍ଟର ମାନଙ୍କରେ 144 ଧାରା ଜାରି କରିଛନ୍ତି ।

ଏପରିକି କେନ୍ଦ୍ରର 100 ମିଟର ପରିଧିରେ ଲାଗୁ ହୋଇଛି ଏହି ନିୟମ । ସମ୍ପୂର୍ଣ୍ଣ ନିଷିଦ୍ଧାଞ୍ଚଳ ଘୋଷଣା କରାଯାଇଛି । ତେବେ ସୁରଟ ସହିତ ଅନ୍ୟ ହଟସ୍ପଟରୁ ଏହି ପ୍ରବାସୀ ଶ୍ରମିକ ଫେରୁଥିବାରୁ ଜିଲ୍ଲାପାଳ ଏପରି କଡା କଟକଣା ଜାରି କରିଛନ୍ତି ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ