ଭବାନୀପାଟଣା:ତହସିଲଦାର କାର୍ଯ୍ୟାଳୟ ଘେରିଲା ଯୁବ କଂଗ୍ରେସ । କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକର ବିଭିନ୍ନ ସମସ୍ୟାକୁ ନେଇ ଜିଲ୍ଲା ଯୁବ କଂଗ୍ରେସ ତରଫରୁ ତହସିଲ ଅଫିସ ଘେରାଉ କରି ରାଜ୍ୟପାଳଙ୍କ ଉଦ୍ଦେଶ୍ୟରେ ୬ ଦଫା ଦାବିପତ୍ର ପ୍ରଦାନ କରାଯାଇଛି । ଜିଲ୍ଲା ଯୁବ କଂଗ୍ରେସ ସଭାପତି ସାଉଲ ମଙ୍ଗରାଜଙ୍କ ନେତୃତ୍ବରେ ଆୟୋଜିତ ହୋଇଥିବା ବିଶାଳ ଶୋଭାଯାତ୍ରାରେ ଗ୍ରାମର ଶତାଧିକ ଚାଷୀ ଓ ଯୁବନେତାମାନେ ସାମିଲ ହୋଇଥିଲେ ।
ତହସିଲଦାର କାର୍ଯ୍ୟାଳୟ ଘେରିଲା ଯୁବ କଂଗ୍ରେସ, ରାଜ୍ୟପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ
ଆଜି ଜିଲ୍ଲା ଯୁବ କଂଗ୍ରେସ ଗୋଲାମୁଣ୍ଡା ମହାଭାରତ ପଡିଆରୁ ଏକ ବିଶାଳ ଶୋଭାଯାତ୍ରାରେ ବାହାରି ତହସିଲ କାର୍ଯ୍ୟାଳୟରେ ବିକ୍ଷୋଭ ପ୍ରଦର୍ଶନ କରିଥିଲା । ରାଜ୍ୟପାଳଙ୍କ ଉଦ୍ଦେଶ୍ୟରେ ଏକ ୬ ଦଫା ଦାବିପତ୍ର ତହସିଲଦାର ସର୍ବେଶ୍ବର ଜାଲଙ୍କୁ ପ୍ରଦାନ କରାଯାଇଥିଲା । ୬ ଦଫା ଦାବି ମଧ୍ୟରେ ଗୋଲାମୁଣ୍ଡା ବ୍ଲକର ଚାଷୀମାନଙ୍କୁ ତୁରନ୍ତ ଶସ୍ୟ ବୀମା ରାଶି ଟଙ୍କା ପ୍ରଦାନ ସହ ମରୁଡି ସହାୟତା ରାଶି ତୁରନ୍ତ ପ୍ରଦାନ କରାଯାଉ ବୋଲି ଉଲ୍ଲେଖ ରହିଛି ।