ଭବାନୀପାଟଣା:ପରକୀୟା ପ୍ରୀତିରୁ ଜଘନ୍ୟ ହତ୍ୟାକାଣ୍ଡ । ଯୁବକଙ୍କୁ ହତ୍ୟା କରିବା ପରେ ମୃତଦେହକୁ ଗଛରେ ଟାଙ୍ଗି ଦେଲେ ମହିଳା ଓ ତାଙ୍କ ପରିବାର । କଳାହାଣ୍ଡି ଜିଲ୍ଲା ମଦନପୁର ରାମପୁର ଥାନା ଅନ୍ତର୍ଗତ ଗଜବାହାଲ ଗାଁରେ ଏହି ହତ୍ୟାକାଣ୍ଡ ଘଟିଛି । ଗତ 9 ତାରିଖରେ ଗାଁ ପାଖ ଏକ ଗଛରୁ ସେହି ଗାଁର କ୍ଷିରମଣି ସେଠୀ ନାମକ ଯୁବକଙ୍କ ମୃତଦେହ ଉଦ୍ଧାର ହୋଇଥିଲା । ସମ୍ପୃକ୍ତ ଯୁବକ ଆତ୍ମହତ୍ୟା କରିଥିବାର ସନ୍ଦେହ କରାଯାଉଥିବା ବେଳେ ବ୍ୟବଚ୍ଛେଦ ରିପୋର୍ଟରୁ ତାଙ୍କୁ ହତ୍ୟା କରାଯାଇଥିବା ସ୍ପଷ୍ଟ ହୋଇଛି । ଘଟଣାରେ ସମ୍ପୃକ୍ତ ମହିଳା, ତାଙ୍କ ବାପା ଓ ଅନ୍ୟ ଜଣେ ସହଯୋଗୀକୁ ପୋଲିସ ଗିରଫ କରିଛି ।
ପୋଲିସ ସୂଚନା ଅନୁଯାୟୀ, ଗଜବାହାଲ ଗାଁର ବିବାହିତା କ୍ଷୀରମଣି ସେଠୀ ସେହି ଗାଁର ଜଣେ ବିବାହିତା ମହିଳାଙ୍କ ସହିତ ଦୀର୍ଘଦିନ ଧରି ଅନୈତିକ ସମ୍ପର୍କ ରହିଥିଲା । ଗତ ୮ ତାରିଖରେ ଦିନ ସମ୍ପୃକ୍ତ ମହିଳାଙ୍କ ଘରେ ଏକାକୀ ଥିବାବେଳେ କ୍ଷୀରମଣି ତାଙ୍କ ଘରକୁ ଯାଇଥିଲେ । ଏହି ସମୟରେ ମହିଳାଙ୍କ ବାପା ବାବୁଲା ବିଭାର ହଠାତ୍ ଘରେ ପହଞ୍ଚି ଥିଲେ ଏବଂ ଦୁହିଁଙ୍କୁ ଦେଖିନେଇଥିଲେ । ଏଥିରେ ଉତ୍ୟକ୍ତ ହୋଇ ବାବୁଲା କ୍ଷୀରମଣି ଉପରକୁ ମାରଣାସ୍ତ୍ରରେ ଆକ୍ରମଣ କରିଥିଲେ । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟ ହୋଇଯାଇଥିଲା ।