ଭବାନୀପାଟଣା: କାଠ ଗଣ୍ଡି ସହ ଜଣେ ଅଭିଯୁକ୍ତ ଗିରଫ । ଏହାସହ ଅଧିକ ତଦନ୍ତ ଜାରି ରଖିଛି ବନ ବିଭାଗ । ସୂଚନା ଅନୁସାରେ, ଜିଲ୍ଲାର ଗୋପାଳପୁର-ରାୟପୁର ଟାପରେଙ୍ଗ ସଂରକ୍ଷିତ ଜଙ୍ଗଲର ଜୋରାଖମନ ପାଖରେ ମଦନପୁର ରାମପୁର ବନବିଭାଗ ଅଧିକାରୀଙ୍କ ନେତୃତ୍ବରେ ପାଟ୍ରୋଲିଂ କରାଯାଉଥିଲା ।
କାଠ ଗଣ୍ଡି ସହ ଜଣେ ଅଭିଯୁକ୍ତ ଗିରଫ ଏହି ସମୟରେ ଦୁଇ ଶଗଡ଼ ଗାଡ଼ିରେ ଦୁଇଟି କାଠଗଣ୍ଡି ନେଉଥିବା ଦେଖିଥିଲେ ବିଭାଗୀୟ ଅଧିକାରୀ । ହେଲେ ଗୋଟିଏ ବଳଦ ସହ ଜଣେ ଅଭିଯୁକ୍ତ ଫେରାର ହୋଇଥିବାବେଳେ ତିନୋଟି ବଳଦ ଓ ଜଣେ ଅଭିଯୁକ୍ତକୁ ଧରିବାରେ ସକ୍ଷମ ହୋଇଥିଲେ ବନ ବିଭାଗ କର୍ମଚାରୀ । ଏନେଇ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି ବନ ବିଭାଗ।
କଳାହାଣ୍ତିରୁ ଅଜିତ ସିଂ, ଇଟିଭି ଭାରତ
