କଳାହାଣ୍ଡି: ମ.ରାମପୁର ବ୍ଲକ ଅନ୍ତର୍ଗତ ଗୌଡକର୍ଲାଖୁଣ୍ଟା ଠାରୁ ଚୋରାଚାଲାଣ ହେଉଥିବା ୭୦ ଖଣ୍ଡ ଶାଳକାଠ ଜବତ କରିଛି ନର୍ଲା ବନ ବିଭାଗ । ଯାହାର ଆନୂମାନିକ ମୂଲ୍ୟ ୩୫ ରୁ ୪୦ ହଜାର ଟଙ୍କା ହେବ ।
ଭିଡିଓ ସୌଜନ୍ୟ : ସମ୍ବାଦଦାତା,କଳାହାଣ୍ଡି
ନର୍ଲାରୁ ଲକ୍ଷାଧିକ ମୂଲ୍ୟର ଶାଳକାଠ ଜବତ, 2 ଗିରଫ - kalahandi news
କଳାହାଣ୍ଡି ଜିଲ୍ଲାରେ ଚାଲାଣ ହେଉଥିବା 70 ଖଣ୍ଡ ଶାଳକାଠ ଜବତ କରିଛି ନର୍ଲା ବନବିଭାଗ । ଏହା ସହ ଗୋଟିଏ ବୋଲେରୋ ଓ ପିକଅପ ସହ କାଠ ଜବତ ହୋଇଥିବାବେଳେ ଦୁଇ ଜଣ ଗିରଫ ହୋଇଛନ୍ତି ।
ଫଟୋ ସୌଜନ୍ୟ : ସମ୍ବାଦଦାତା,କଳାହାଣ୍ଡି
ପ୍ରାପ୍ତ ସୂଚନାରୁ ପ୍ରକାଶ ଯେ, ଗତ ରାତିରେ ରେଞ୍ଜର କେଶବ ମାଝୀଙ୍କ ନେତୃତ୍ବରେ ପେଟ୍ରୋଲିଂ କରିବା ସମୟରେ କାଠ ଚୋରାଚାଲାଣ ହେଉଥିବା ଖବର ପାଇ ଚଢାଉ କରାଯାଇଥିଲା । ଗୋଟିଏ ବୋଲେରୋ ଏବଂ ପିକଅପରେ କାଠ ବଲାଙ୍ଗିର ଜିଲ୍ଲାକୁ ଚାଲାଣ କରାଯାଉଥିଲା । ଗାଡି ମାଲିକ ବଲାଙ୍ଗିର ଶାସ୍ତ୍ରୀନଗରର ହରିହର ମିଶ୍ର ଓ ଡ୍ରାଇଭର ମିତ୍ର ପୋଢକୁ ଗିରଫ କରିଛି ବନ ବିଭାଗ । ତେବେ ଆଉ ଜଣେ ଡ୍ରାଇଭର ଫେରାର ଥିବା ସୂଚନା ମିଳିଛି । ଉଭୟ ଗାଡିକୁ ଜବତ କରିବା ସହ ଗିରଫ ବ୍ୟକ୍ତିଙ୍କୁ କୋର୍ଟ ଚାଲାଣ କରାଯାଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ