ଭବାନୀପାଟଣା: ପାଣି ପାଇଁ ହନ୍ତସନ୍ତ ଲୋକେ । ନା ପ୍ରଶାସନ ନା ସରକାର କେହି ଶୁଣିଲେନି ଦାବି । ଶେଷରେ ପାଣି ପାଇଁ ବିଡିଓଙ୍କ କାର୍ଯ୍ୟାଳୟ ଘେରିଛନ୍ତି ମହିଳା ।
ପାଣି ପାଇଁ BDO ଅଫିସ୍ ଘେରିଲେ ମହିଳା
କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ମୁଖୀଗୁଡା ଗାଁରେ ରହିଛି ଇନ୍ଦ୍ରାବାତୀ ଜଳ ଭଣ୍ଡାର । କିନ୍ତୁ ଦୀପ ତଳ ଅନ୍ଧାର ଭଳି ମୁଖୀଗୁଡା ଗାଁ ଲୋକେ ପାଣି ମୁନ୍ଦାଏ ପାଇଁ ହନ୍ତସନ୍ତ ହେଉଥିବା ଅଭିଯୋଗ ହୋଇଛି । ଅଭିଯୋଗ ଅନୁଯାୟୀ ଦୀର୍ଘ ଏକ ବର୍ଷ ତଳେ ଦୁଇଟି ନଳକୂପ ଖୋଳାଯାଇଥିଲା । କିନ୍ତୁ ବର୍ତ୍ତମାନ ଅକାମି ହୋଇ ପଡିରହିଛି ନଳକୂପ । ଏବେ ଲୋକଙ୍କ ଶୋଷ ମେଣ୍ଟାଉଛି ଇନ୍ଦ୍ରାବାତୀ ଦକ୍ଷିଣ ମୁଖ୍ୟ କେନାଲ ପାଣି । କିନ୍ତୁ କେନାଲ ମରାମତି ନାଁରେ ପ୍ରଶାସନ ଜଳ ଯୋଗାଣକୁ ବନ୍ଦ କରି ଦେବା ଫଳରେ ଲୋକେ ନାହିଁନଥିବା ସମସ୍ୟାର ସମ୍ମୁଖୀନ ହେଉଛନ୍ତି ।