ଭବାନୀପାଟଣା:ଧୂଳି ଧୂଆଁ ଯୋଗୁଁ ଶ୍ବାସରୋଗରେ ପଡି ମହିଳାଙ୍କ ମୃତ୍ୟୁ ଘଟିଛି । ଏଭଳି ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଅଧିନ ଲାଞ୍ଜିଗଡ଼ସ୍ଥିତ ବେଦାନ୍ତ ଲିମିଟେଡର ଆଲୁମିନା ରିଫାଇନାରୀରେ । ସୂଚନାନୁସାରେ ଆଲୁମିନା ରିଫାଇନାରୀ ସ୍ଥାପନ ହେବା ପରଠାରୁ ସ୍ଥାନୀୟ ଅଧିବାସୀମାନେ ଧୂଳିଧୂଆଁରେ ଅସ୍ତବ୍ୟସ୍ତ ହେବାସହ ଜୀବନ ଜୀବିକା ଏକ ପ୍ରକାର ବେହାଲ ହୋଇପଡିଛି ।
ଧୂଳି ଧୂଆଁରେ ମହିଳାଙ୍କ ମୃତ୍ୟୁ, କ୍ଷତିପୂରଣ ଦାବିରେ ଧାରଣାରେ ସ୍ଥାନୀୟ ବାସିନ୍ଦା
ଏପରିକି ବେଦାନ୍ତ ବିଷାକ୍ତ ବର୍ଜ୍ୟବସ୍ତୁର ପ୍ରଭାବରେ ଚାଷବାସ ନଷ୍ଟ ହେଉଥିବାବେଳେ କମ୍ପାନୀର ରେଡମଡ ପଣ୍ଡରୁ ଉଡୁଥିବା ବିଷାକ୍ତ ନାଲି ପାଉଡର ଗୁଣ୍ଡ ଯୋଗୁଁ ସମଗ୍ର ଲାଞ୍ଜିଗଡ ଓ ଏହାର ଆଖପାଖର ଲୋକେ ଅଣନିଶ୍ବାସୀ ହୋଇ ପଡୁଛନ୍ତି । ତେବେ କମ୍ପାନୀର ବିଷାକ୍ତ ଧୂଳିଧୂଆଁର ପ୍ରଭାବରେ ଲୋକେ ଅନେକ ଅଜଣା ରୋଗର ଶିକାର ହେଉଥିବାବେଳେ ଅକାଳରେ ମୃତ୍ୟୁ ମୁଖରେ ପଡୁଥିବା ଅଭିଯୋଗ ହେଉଛି ।