ଭବାନୀପାଟଣା: ଆରମ୍ଭ ହେଲା ଭୋଟ ଗ୍ରହଣ । କଳାହାଣ୍ଡି ଜିଲ୍ଲାରେ ସକାଳ ୮ଟାରୁ ପୌର ନିର୍ବାଚନ ମତଦାନ ଆରମ୍ଭ ହୋଇଥିବା ବେଳେ ଏହା ସନ୍ଧ୍ୟା ୫ଟା ପର୍ଯ୍ୟନ୍ତ ଚାଲିବ । ଭୋଟ ଦେଇ ନିଜ ଜନ ପ୍ରତିନିଧି ବାଛୁଛନ୍ତି ମତଦାତା । ପୌର ନିର୍ବାଚନକୁ ନେଇ ଭୋଟରଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଥିବା ବେଳେ ନେତା ଓ ପ୍ରାର୍ଥୀଙ୍କ ମନରେ ଉତ୍କଣ୍ଠା ଦେଖା ଦେଇଛି।
କଳାହାଣ୍ଡିରେ ମତଦାନ ଆରମ୍ଭ
ଭବାନୀପାଟଣା ପୌର ପରିଷଦରେ ୫୮ଟି ବୁଥ ମାଧ୍ୟମରେ ୫୭ ହଜାର ୭୧୧ ଜଣ ଭୋଟର ନିଜର ଭୋଟ ଦେଉଥିବା ବେଳେ କେସିଙ୍ଗା ଏନଏସିରେ ୧୭ଟି ବୁଥରେ ୧୪ ହଜାର ୨୦୫ ଜଣ ଭୋଟ ଦେଉଛନ୍ତି । ସେହିଭଳି ଜୁନାଗଡ଼ ଏନଏସିରେ ୧୮ଟି ବୁଥ ମାଧ୍ୟମରେ ୧୪ ହଜାର ୭୪୩ ଜଣ ଭୋଟର ନିଜର ମତ ସାବ୍ୟସ୍ତ କରୁଥିବା ବେଳେ ଧର୍ମଗଡ଼ ଏନଏସିରେ ୧୪ଟି ବୁଥରେ ୧୨ହଜାର ୫୫୧ ଜଣ ଭୋଟର ମତ ସାବ୍ୟସ୍ତ କରୁଛନ୍ତି ।