ଭବାନୀପାଟଣା: ହାଣ୍ଡିଶାଳ ଉପରେ ପ୍ରଭାବ ପକାଇଛି କୋରୋନା ମହମାରୀ । ଏପରି ଏକ ଅଦୃଶ୍ୟ ମହାମାରୀ ପ୍ରକୋପରେ ଗରିବ ଓ ମଧ୍ୟବିତ୍ତ ପରିବାର ଛଟପଟ ହୋଇପଡି ଥିବାବେଳେ ମହଙ୍ଗା ମାଡ଼ ଲୋକଙ୍କ ଦୁଃଖକୁ ଦୁଇ ଗୁଣିତ କରିଦେଇଛି । ଗତ ୧୬ ମାସ ମଧ୍ୟରେ ବଦଳି ଯାଇଛି ସାଧାରଣ ଖାଉଟିର ଘରୋଇ ବଜେଟ । ଏଥିରୁ କଳହାଣ୍ଡୀ ଜିଲ୍ଲାବାସୀ ମଧ୍ୟ ବାଦେ ପଡି ନାହାନ୍ତି ।
ହାଣ୍ଡିଶାଳରେ କୋରୋନା କୋପ, ଆକାଶ ଛୁଆଁ ପରିବା ଦର
ମହମାରୀ କଟକଣା ଯୋଗୁଁ ବେପାର, ବାଣିଜ୍ୟ, ଚାକିରି ସବୁ ଠପ୍ । ଏହାରି ଭିତରେ ସଞ୍ଚିତ ରାଶି ସରିଯିବା ପରେ ଧାର କରଜ କରି ପେଟ ପୋଷିବାକୁ ସଂଘର୍ଷ କରୁଛନ୍ତି ଲୋକେ । ଦିନ ମଜୁରି, ନିମ୍ନ ମଧ୍ୟବିତ୍ତ ପରିବାର ମହଙ୍ଗା ମାଡ଼ ଯୋଗୁଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ତେବେ ଏପରି ସ୍ଥିତିରେ କୋରୋନା ମାଡ଼ ଅପେକ୍ଷା ବେଶୀ ବାଧୁଛି ମହଙ୍ଗା ମାଡ଼ । ତେଲ ଠୁ ଆରମ୍ଭ କରି ଲୁଣ ପର୍ଯ୍ୟନ୍ତ ସବୁ ସାମଗ୍ରୀ ମହଙ୍ଗା ହୋଇଯାଇଛି । ରନ୍ଧନ ଗ୍ୟାସ ଏଲପିଜି ଦର ୬ ବର୍ଷରେ ଦ୍ୱିଗୁଣିତ ହେଲାଣି ।