ଭବାନୀପାଟଣା:କଳାହାଣ୍ଡିରେ ଦୁଇଟି ପୃଥକ ପୃଥକ ସ୍ଥାନରେ ୨ଜଣଙ୍କ ଜୀବନ ଯାଇଛି । ଗୋଟିଏ ପଟେ ବିଦ୍ୟୁତ ଆଘାତରେ ଶ୍ରମିକଙ୍କ ଜୀବନ ଯାଇଥିବାବେଳେ ଅନ୍ୟପଟେ କେନାଲରୁ ମିଳିଛି ଜଣେ ବୃଦ୍ଧାଙ୍କ ମୃତଦେହ । ତେବେ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚିଥିଲା । ଏହି ମୃତ୍ୟୁ ଘଟଣାକୁ ନେଇ ପୋଲିସ 2ଟି ପୃଥକ ପୃଥକ ମାମଲା ରୁଜୁ କରି ତଦନ୍ତ ଚଳାଇଛି ।
ସୂଚନା ଅନୁଯାୟୀ, କେସିଙ୍ଗା ଥାନା ଅନ୍ତର୍ଗତ କେନ୍ଦୁପଡାଠାରେ ଥିବା ଦ୍ବାରିକା ପୁରୀ କଟନ ମିଲରେ ଶ୍ରମିକ ଭାବରେ କାମ କରୁଥିଲେ ବୈଷ୍ଣବ ସୁନା । ତାଙ୍କ ଘର ଚିଚର୍ଲା ଗାଁରେ ହୋଇଥିବା ଜଣାପଡିଛି । ମିଲ ମ୍ୟାନେଜର ତାଙ୍କୁ ଉପରକୁ ଚଢ଼ି ସଫା କରିବାକୁ କହିଥିଲେ । ସେହି ସମୟରେ ଉଚ୍ଚ ସ୍ଥାନ ଉପରକୁ ଚଢି ଶ୍ରମିକ ଜଣକ କାମ କରୁଥିବାବେଳେ ହଠାତ୍ ବିଦ୍ୟୁତ୍ ତାର ସଂସ୍ପର୍ଶରେ ଆସିଥିବା ସୂଚନା ମିଳିଛି । ଏହାପରେ ବିଦ୍ୟୁତ ଆଘାତ କାରଣରୁ ସେ ତଳେ ପଡି ଯିବା ଫଳରେ ଗୁରୁତର ଆହତ ହୋଇଥିଲେ । ପରେ ତାଙ୍କର ସହକର୍ମୀମାନେ ତାଙ୍କୁ ତୁରନ୍ତ କେସିଙ୍ଗା ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ସେଠାରେ ସେ ଚିକିତ୍ସାଧିନ ଅବସ୍ଥାରେ ପ୍ରାଣ ହରାଇଛନ୍ତି ।
ତେବେ ଚିକିତ୍ସାଧିନ ଅବସ୍ଥାରେ ଶ୍ରମିକ ଜଣରଙ୍କ ମୃତ୍ୟୁ ହୋଇଥିବା ଜଣାପଡିଛି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ମୃତଦେହ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରିଥିବା ଜଣାପଡିଛି । ସେପଟେ ଅନ୍ୟ ଜଣେ ବୃଦ୍ଧାଙ୍କ ମୃତଦେହ ଉଦ୍ଧାର କରିଛି ପୋଲିସ । ଜୟପାଟଣା ଥାନା ମୁଖୀଗୁଡା ଇନ୍ଦ୍ରାବତୀ ଡାହାଣ କେନାଲରେ ଏକ ବୃଦ୍ଧାଙ୍କ ମୃତଦେହ ଭାସୁଥିବା ଦେଖିବାକୁ ମିଳିଥିଲା।