କଳାହାଣ୍ଡି: ଧାନଖଳା ନିଆଁରେ ପୋଡି ହୋଇ 3 ଶିଶୁଙ୍କ ମୃତ୍ୟୁ । ଜିଲ୍ଲାର କୋକସରା ବ୍ଲକ ବିଜମରା ଗ୍ରାମର 3 ଜଣ ଶିଶୁ ଶନିବାର ଧାନ ଖଳାରେ ଖେଳୁଥିବା ସମୟରେ ନିଆଁରେ ପୋଡି ଗୁରୁତର ହୋଇଥିଲେ ।
ଧାନଖଳା ନିଆଁରେ ପୋଡି ହୋଇ 3 ଶିଶୁଙ୍କ ମୃତ୍ୟୁ ମୃତ ଶିଶୁ ହେଲେ ବିଜମରା ଗାଁର ହେମରାଜ ଦିଶାରୀଙ୍କ ଦୁଇ ଯାଆଁଳା ଝିଅ ରୋଜି ଓ ଡେଜୀ ଦିଶାରୀ, ଅନ୍ୟ ଜଣେ ରଚନା ରାଉତ ।
ସେମାନଙ୍କୁ ସଙ୍କଟାପନ୍ନ ଅବସ୍ଥାରେ ପ୍ରଥମେ କୋକସରା ଡାକ୍ତରଖାନାରେ ଭର୍ତ୍ତି କରାଯାଇଥିଲା, ପରେ ସେମାନଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ତେବେ ସେଠାରେ ଚିକିତ୍ସାଧୀନ ଅବସ୍ଥାରେ ସମସ୍ତ ଶିଶୁଙ୍କ ମୃତ୍ୟୁ ଘଟିଛି ।
ନିଆଁରେ ପଡିଯିବାରୁ ଉକ୍ତ ଶିଶୁଙ୍କ ଦେହର 80 ପ୍ରତିଶତ ଅଂଶ ପୋଡି ଯାଇଥିଲା । ଏହି ତିନି ଶିଶୁଙ୍କ ବୟସ 4ରୁ 5 ବର୍ଷ ମଧ୍ୟରେ ହେବ ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
