କଳାହାଣ୍ଡି: ସ୍ପଷ୍ଟ ଦିବାଲୋକରେ ମହିଳାଙ୍କ ବେକରୁ ସୁନା ଚେନ ଝାମ୍ପି ଫେରାର ମାରୁଥିବା ଲୁଟେରାଙ୍କୁ କାବୁକଲେ ଗ୍ରାମବାସୀ । ଘଟଣା ଘଟିଛି କଳାହାଣ୍ଡି ଜିଲ୍ଲା ଜୟପାଟଣା ଥାନା ଟୋଟାପଡା ଗାଁରେ ।
ନିର୍ଜନ ରାସ୍ତା ଦେଇ ଜଣେ ମହିଳା ଯାଉଥିବାବେଳେ, ଦିନ ଦି ପ୍ରହରରେ ୩ ଜଣ ଯୁବକ ମହିଳାଙ୍କ ସୁନା ଚେନ ଓ କାନ ଫୁଲ ଝାମ୍ପି ଫେରାର ହେବାକୁ ଚେଷ୍ଟା କରୁଥିଲେ । ତେବେ ଗ୍ରାମବାସୀ ସେମାନଙ୍କୁ କାବୁ କରି ଉତ୍ତମ ମଧ୍ୟମ ଦେବା ସହ, ପୋଲିସରେ ଜିମା ଦେଇଛନ୍ତି । ଅଭିୟୁକ୍ତ ମାନଙ୍କୁ ଜୟପାଟଣା ପୋଲିସ ଗିରଫ କରି କୋର୍ଟ ଚାଲାଣ କରିଛି । ମାତ୍ର ସ୍ଥାନୀୟ ଅଞ୍ଚଳରେ ସୁରକ୍ଷାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।