ଭବାନୀପାଟଣା: ଭୁଶୁଡ଼ିଲା ଇନ୍ଦ୍ରାବତୀ ଦକ୍ଷିଣ କେନାଲ । ଶହ ଶହ ହେକ୍ଟର ଚାଷଜମିରେ ମାଡ଼ିଗଲା ପାଣି । ବ୍ୟାପକ ଫସଲ ନଷ୍ଟ ହେବା ସହ ପାଜେନ ଗାଁ ଭିତରକୁ ପାଣି ପଶି ୨ରୁ ୩ଟି ଘର ଭାଙ୍ଗି ଯାଇଥିବା ସୂଚନା ମିଳିଛି । କଳାହାଣ୍ଡି ଜିଲ୍ଲା ମୁଖୀଗୁଡା ଇନ୍ଦ୍ରାବତୀ ଦକ୍ଷିଣ କେନାଲ କଲମପୁର ବ୍ଲକ ପାଜେନ ଗାଁ ନିକଟରେ କେନାଲ ବନ୍ଧ ଦୁର୍ବଳ ଯୋଗୁ ଭାଙ୍ଗି ଥିବା ଅଭିଯୋଗ ହୋଇଛି।
ଭୁଶୁଡ଼ିଲା ଇନ୍ଦ୍ରାବତୀ ଦକ୍ଷିଣ କେନାଲ, ଶହ ଶହ ହେକ୍ଟର ଚାଷ ଜମି ଜଳମଗ୍ନ
ବର୍ତ୍ତମାନ ଚାଷୀଙ୍କ ଧାନ ଅମଳ କ୍ଷମ ଅବସ୍ଥାରେ ଥିବାବେଳେ, କେନାଲର ପାଣି ମାଡିଯିବା ଯୋଗୁଁ ହେକ୍ଟର ହେକ୍ଟର ଚାଷ ଜମି ବାଲିଚର ହୋଇ ଫସଲ ନଷ୍ଟ ହେବା ନେଇ ଚାଷୀ ଅଭିଯୋଗ କରିଛନ୍ତି। ଏନେଇ ସ୍ଥାନୀୟ ଚାଷୀ ଇନ୍ଦ୍ରାବତୀ ବିଭାଗୀୟ କର୍ମଚାରୀଙ୍କ ଅବହେଳାକୁ ଦାୟୀ କରିଛନ୍ତି ।