ଅହେତୁକ ଫିସ ବୃଦ୍ଧି ସହ କଲେଜର ବିଭିନ୍ନ ସମସ୍ୟାକୁ ନେଇ ଛାତ୍ର ବିକ୍ଷୋଭ

ଅହେତୁକ ଫିସ ବୃଦ୍ଧି ସାଙ୍ଗକୁ ହଷ୍ଟେଲ କୋଠା ପୁନରୁଦ୍ଧାର ଭଳି ଅନେକ ସମସ୍ୟାର ସମାଧାନ ନେଇ ଆଜି ଭବାନୀପାଟଣା ସରକାରୀ ସ୍ବୟଂଶାସିତ ମହାବିଦ୍ୟାଳୟର ଛାତ୍ରଛାତ୍ରୀମା ବିକ୍ଷୋଭ ପ୍ରଦର୍ଶନ କରିଛନ୍ତି । ଏଥିସହ କଲେଜ ଅଧ୍ୟକ୍ଷଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।

କଳାହାଣ୍ଡି: ଭବାନୀପାଟଣା ସରକାରୀ ସ୍ବୟଂଶାସିତ ମହାବିଦ୍ୟାଳୟର ବିଭିନ୍ନ ସମସ୍ୟା ନେଇ ଛାତ୍ରମାନେ ବିକ୍ଷୋଭ ପ୍ରଦର୍ଶନ କରିଥିଲେ। କଲେଜର ବିଭିନ୍ନ ବିଭାଗରେ ଛାତ୍ରଛାତ୍ରୀଙ୍କ ଆବଶ୍ୟକତା ଉପରେ ଅଦୌ ଗୁରୁତ୍ବ ଦିଆଯାଉନାହିଁ । ହଷ୍ଟେଲ କୋଠା ପୁନରୁଦ୍ଧାର ସହ ଅହେତୁକ ଫିସ ବୃଦ୍ଧିକୁ ନେଇ ଛାତ୍ର ନେତା ଆଶିଷ ମହାପାତ୍ରଙ୍କ ନେତୃତ୍ବରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ।

ପରେ କଲେଜ ଅଧ୍ୟକ୍ଷଙ୍କୁ ଏକ ଦାବିପତ୍ର ପ୍ରଦାନ କରାଯାଇଥିଲା। ଆଗାମୀ ଦିନରେ କଲେଜର ଉପରୋକ୍ତ ସମସ୍ୟାର ସମାଧାନ ନହେଲେ ଛାତ୍ରଛାତ୍ରୀ ରାଜରାସ୍ତାକୁ ଓହ୍ଲେଇବେ ବୋଲି ଛାତ୍ରମାନେ ଚେତାବନୀ ଦେଇଛନ୍ତି।

କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ