ଦେଢ ଲକ୍ଷରୁ ଊର୍ଦ୍ଧ୍ବ ମୂଲ୍ୟର ଶାଳ କାଠ ଜବତ

ଉତ୍ତର ବନଖଣ୍ଡ ସ୍କ୍ବାର୍ଡର ପକ୍ଷରୁ ହୋଇଥିବା ଚଢାଉରେ ଭବାନୀପାଟଣାର ଏକ ନିର୍ମାଣଧିନ କୋଠାରୁ ପ୍ରାୟ ଦେଢ ଲକ୍ଷରୁ ଊର୍ଦ୍ଧ୍ବ ଟଙ୍କାର ଶାଳ କାଠ ଜବତ ହୋଇଛି।

କଳାହାଣ୍ଡି: ଦେଢ ଲକ୍ଷରୁ ଉର୍ଦ୍ଧ ଟଙ୍କାର ଶାଳକାଠ ଜବତ। ଭବାନୀପାଟଣା ଉତ୍ତର ବନଖଣ୍ଡ ସ୍କ୍ବାର୍ଡ ଦ୍ବାରା ଚଢାଉ ପରେ ଏକ ନିର୍ମାଣଧିନ କୋଠାରୁ ଶାଳକାଠ ଜବତ କରାଯାଇଛି । ଭବାନୀପାଟଣା ବ୍ୟାଙ୍କ କଲୋନୀ ରେ ଅମିତ ପଟ୍ଟନାୟକଙ୍କ ନିର୍ମାଣଧୀନ କୋଠାରୁ କାଠ ଜବତ ହୋଇଛି ।

ନିର୍ମାଣଧୀନ କୋଠାର ମାଲିକ ଅମିତ ପଟ୍ଟନାୟକଙ୍କ ନାମରେ ମାମଲା ରୁଜୁ କରାଯାଇ ବର୍ତ୍ତମାନ ସେ ସିଙ୍ଗାପୁର ଯାଇଥିବା ବେଳେ, ଠିକାଦାର ବନ ବିଭାଗ ଦ୍ବାରା ଅଟକ ରହିଛନ୍ତି । ୧୩୦ ଖଣ୍ଡ ଶାଳକାଠ ବନ ବିଭାଗ ଦ୍ବାରା ଜବତ ହୋଇଥିବା ଜଣାପଡିଛି ।

କଳାହାଣ୍ଡିରୁ ଅଜିତ ସିଂ,ଇଟିଭି ଭାରତ