କଳାହାଣ୍ଡିରେ ଲକ୍ଷାଧିକ ଟଙ୍କାର ଶାଗୁଆନ କାଠ ପଟା ଓ ଗଣ୍ଡି ଜବତ

କଳାହାଣ୍ଡି ଜିଲ୍ଲା ଦକ୍ଷିଣ ବନଖଣ୍ଡରୁ ଲକ୍ଷାଧିକ ଟଙ୍କାର ଶାଗୁଆନ କାଠ ଜବତ ହୋଇଛି । ଜୟପାଟଣା ରେଞ୍ଜ ପାବଲୀ ଗାଁରେ ବନ ବିଭାଗର ଏକ ସ୍ବତନ୍ତ୍ର ସ୍କ୍ବାର୍ଡ ଚଢ଼ାଉ କରି ଏହି ମୂଲ୍ୟବାନ ଶାଗୁଆନ କାଠ ପଟା ଓ ଗଣ୍ଡି ଜବତ କରିଛି ।

ଭବାନୀପାଟଣା: କଳାହାଣ୍ଡି ଜିଲ୍ଲା ଦକ୍ଷିଣ ବନଖଣ୍ଡରୁ ଲକ୍ଷାଧିକ ଟଙ୍କାର ଶାଗୁଆନ କାଠ ଜବତ ହୋଇଛି । ଜୟପାଟଣା ରେଞ୍ଜ ପାବଲୀ ଗାଁରେ ବନ ବିଭାଗର ଏକ ସ୍ବତନ୍ତ୍ର ସ୍କ୍ବାର୍ଡ ଚଢ଼ାଉ କରି ଏହି ମୂଲ୍ୟବାନ ଶାଗୁଆନ କାଠ ପଟା ଓ ଗଣ୍ଡି ଜବତ କରିଛି । ତେବେ ବିଶ୍ବସ୍ତ ସୂତ୍ରରୁ ଖବର ପାଇ ଦକ୍ଷିଣ ବନଖଣ୍ଡ ଅଧିକାରୀଙ୍କ ନିର୍ଦ୍ଦେଶକ୍ରମେ ସ୍ବତନ୍ତ୍ର ସ୍ବାର୍ଡ ପାବଲୀ ଗାଁର ଘାସିରାମ ଦୁର୍ଗାଙ୍କ ଘର ଉପରେ ଚଢ଼ାଉ କରିଥିଲା।

ଏହି ଚଢ଼ାଉରେ ସ୍ବତନ୍ତ୍ର ସ୍କ୍ବାର୍ଡର ଫରେଷ୍ଟର ପଦ୍ମଲୋଚନ ଶବରଙ୍କ ଟିମ ଓ ଜୟପାଟଣା ରେଞ୍ଜର କେଶବ ଶବରଙ୍କ ଟିମ ମିଳିତ ଭାବେ ଚଢ଼ାଉ କରିଥିଲେ। ଚଢ଼ାଉରେ ଲକ୍ଷାଧିକ ଟଙ୍କାର ଶାଗୁଆନ କାଠ ପଟା ଓ କାଠ ଗଣ୍ଡି ଜବତ ହେବା ସହ ଘାସିରାମ ଦୁର୍ଗାକୁ ଅଟକ ରାଖାଯାଇଛି। ତେବେ ଘଟଣାରେ ସଂପୃକ୍ତ ମୁଖ୍ୟ କାଠ ମାଫିଆ ଘଟଣାସ୍ଥଳରୁ ଫେରାର ହୋଇଥିବା ରେଞ୍ଜର ସୂଚନା ଦେଇଛନ୍ତି।

କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ