ଭବାନୀପାଟଣା: ପିଡିଏସ ଚାଉଳ ଜବତ ଘଟଣାରେ ଫେରାର ଗୋଦାମ ମାଲିକ ଗିରଫ । କଳାହାଣ୍ଡି ଜିଲ୍ଲା କେସିଙ୍ଗା ଥାନା ଚାଞ୍ଚେରରେ ଥିବା ସମତା ଏଗ୍ରୋ ଗୋଦାମରେ କେସିଙ୍ଗା ପୋଲିସ ଓ ଜିଲ୍ଲା ଯୋଗାଣ ବିଭାଗ ପକ୍ଷରୁ ମିଳିତ ଚଢାଉ କରି ଗୋଦାମରୁ ବିପୁଳ ପରିମାଣର ପିଡିଏସ ଚାଉଳ ଜବତ କରିଥିଲେ । ଏହି ଘଟଣାରେ ଫେରାର ଥିବା ଗୋଦାମ ମାଲିକ ଧର୍ମପାଳ ଜୈନ ଓରଫ କାଳୁକୁ ମାସେ ପରେ ଗିରଫ କରିବା ସହ କୋର୍ଟ ଚାଲାଣ କରିଛି କଳାହାଣ୍ଡି ପୋଲିସ ।
ତେବେ ଗତ ଜାନୁଆରୀ ୮ ତାରିଖରେ ଥୁଆମୂଳ ରାମପୁର ବ୍ଲକ ଶୁଣ୍ଢିପଦର ପଞ୍ଚାୟତକୁ ଟ୍ରକ ନମ୍ବର OD-0୮-E-3040 ଯୋଗେ ରାଜ୍ୟ ପଣ୍ୟାଗାର ନିଗମ(OSWC)ରୁ ଯାଉଥିବା ପିଡିଏସ ଚାଉଳକୁ ଚୋରା ଚାଲାଣ କରିଥିଲେ । ଏହାପରେ ଏହି ଚାଉଳ ସମତା ଏଗ୍ରୋ ଗୋଦାମରୁ ଜବତ ହୋଇଥିଲା । ତେବେ ଜିଲ୍ଲା ପ୍ରଶାସନ ନିର୍ଦ୍ଦେଶରେ ଏହି ଚଢାଉ ହୋଇଥିଲା ।
ପିଡିଏସ ଚାଉଳ ଜବତ ଘଟଣା: ଗୋଦାମ ମାଲିକ ଗିରଫ