ଭବାନୀପାଟଣା : ଜିଲ୍ଲାର ଦକ୍ଷିଣ ବନଖଣ୍ଡ ଅଧୀନରେ ଥିବା ସାହାଜ ଖୋଲ ଜଙ୍ଗଲ ସୁରକ୍ଷା ଲାଗି ଅଞ୍ଚଳବାସୀ ପଦଯାତ୍ରା ସହ ବିକ୍ଷୋଭ ପ୍ରଦର୍ଶନ କରିଛନ୍ତି । ଦୀର୍ଘ ୧୭ କିଲୋମିଟର ବିଶିଷ୍ଟ ଏହି ଜଙ୍ଗଲର ସୁରକ୍ଷା ଅଭାବରୁ ଦିନକୁ ଦିନ ଏହା ଶେଷ ହେବାରେ ଲାଗିଛି । ଏପରି କି ପ୍ରାକୃତିକ ସୌନ୍ଦର୍ଯ୍ୟ ଖୋର ଶ୍ରୋତ ତଥା ସୁନ୍ଦରତା ହ୍ରାସ ପାଉଥିବାର ନଜରକୁ ଆସୁଛି । ଏହି ଜଙ୍ଗଲ ଉପରେ ନିର୍ଭର କରି ପେଟପୋଷଣ କରୁଥିବା ଗ୍ରାମବାସୀ ଏବେ ଏକ ପ୍ରକାର ଅସହାୟ ପାଲଟି ଯାଇଛନ୍ତି ।
ସାହାଜଖୋଲ ଜଙ୍ଗଲ ସୁରକ୍ଷାକୁ ନେଇ ପଦଯାତ୍ରା ଓ ବିକ୍ଷୋଭ
କାଠ ମାଫିଆ ଓ ବିଭାଗୀୟ କର୍ମଚାରୀଙ୍କ ମିଳିତ ବୁଝାମଣାରେ କାରବାର କରୁଥିବାବେଳେ ଦିନକୁ ଦିନ ଗଛ ଚାଲାଣ ହେଉଥିବା ବିଭିନ୍ନ ସମୟରେ ଅଭିଯୋଗ ହେଉଛି । ଏହି ପରିପ୍ରେକ୍ଷୀରେ ଆଜି ସାହାଜ ଖୋଲ ଜଙ୍ଗଲ ସୁରକ୍ଷା ସମିତି ଆବାହକ ଲକ୍ଷ୍ମୀକାନ୍ତ ବାଗଙ୍କ ନେତୃତ୍ୱରେ ଆମପାଣି ଠାରୁ କୋକସରା ପଯ୍ୟନ୍ତ ଏକ ପଦଯାତ୍ରା ବାହାରି କୋକସରା ତହସିଲଦାର କାର୍ଯ୍ୟାଳୟ ଠାରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ।