ଭବାନୀପାଟଣା: ଜିଲ୍ଲାରେ ବଢି ବଢି ଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ବୁଧବାର ଜିଲ୍ଲାରେ ୨୬ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଗୁରୁବାର ଆଉ ୩୩ ଜଣ ଚିହ୍ନଟ ହୋଇଛନ୍ତି। ବୁଧବାର ଚିହ୍ନଟ ହୋଇଥିବା ୨୬ ଜଣ ରୋଗୀଙ୍କ ମଧ୍ୟରୁ ୨୪ ଜଣ ଲାଞ୍ଜିଗଡ଼ ସ୍ଥିତ ବେଦାନ୍ତ ଟାଉନସ୍ପିପରୁ ଚିହ୍ନଟ ହୋଇଥିବା ବେଳେ ଭବାନୀପାଟଣା ଓ କେସିଙ୍ଗାରୁ ଜଣେ ଲେଖାଏଁ ଚିହ୍ନଟ ହୋଇଥିଲେ। ସେହିପରି ଗୁରୁବାର ୩୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
କଳାହାଣ୍ଡିରେ ବଢୁଛି ସଂକ୍ରମଣ, 2ଦିନରେ ୫୯ ଜଣ କରୋନା ଆକ୍ରାନ୍ତ ଚିହ୍ନଟ
ବେଦାନ୍ତ ଟାଉନସିପ୍ରୁ ୧୩ ଜଣ, ଛତ୍ରପୁରରୁ ଜଣେ, ଭବାନୀପାଟଣା ସହରରୁ ୬ଜଣ, ନର୍ଲା ବ୍ଲକ ଅଞ୍ଚଳରୁ ୪ ଜଣ ଓ ଭବାନୀପାଟଣା ପିଏଚସିରୁ ୨ ଜଣ, କେସିଙ୍ଗା ଟିଏମସିରୁ ଦୁଇ ଜଣ, ମଦନପୁର ରାମପୁର ଜଣେ ଓ ୪ କୋରୋନା ଯୋଦ୍ଧା ପୋଲିସ କର୍ମଚାରୀ ଚିହ୍ନଟ ହୋଇଛନ୍ତି। ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପ୍ରଶାସନକୁ ଚିନ୍ତାରେ ପକାଇଥିବା ବେଳେ ସାଧାରଣ ଲୋକେ ମଧ୍ୟ ଏନେଇ ଏକ ପ୍ରକାର ଆତଙ୍କିତ ।