ଭବାନୀପାଟଣା:ଗତ ୨୦୨୧ ମସିହାରେ କଳାହାଣ୍ଡି ଜିଲ୍ଲା ଧର୍ମଗଡ଼ ନାବାଳିକା ଅପହରଣ ମାମଲା (Dharmagarh Minor Girl Kidnap case)ର ଶୁଣାଣି କରିଛନ୍ତି ଜିଲ୍ଲା ପୋକ୍ସୋ କୋର୍ଟ POCSO Court ) । ଅତିରିକ୍ତ ଜିଲ୍ଲା ଜଜ ତଥା ସ୍ବତନ୍ତ୍ର ଜଜ ପୋକ୍ସୋ ସୁବ୍ରତ ପଟ୍ଟନାୟକ ଅଭିଯୁକ୍ତକୁ ୫ବର୍ଷ ଜେଲ ଦଣ୍ଡାଦେଶ ସହ ୩ ହଜାର ଟଙ୍କା ଜରିମାନା ନିର୍ଦ୍ଦେଶ ଦେଇଛନ୍ତି ।
ଅଭିଯୁକ୍ତ ଜଣକ ବିହାରର ଦରଭଙ୍ଗା ଅଞ୍ଚଳର ବିକ୍ରମ କୁମାର ଦାସ । ସେ ଧର୍ମଗଡ଼ ସହରର ଚାରି ଛକରୁ ନାବାଳିକାକୁ ଅପହରଣ କରି ବିହାରକୁ ନେଇଯିବାକୁ ଉଦ୍ୟମ କରୁଥିଲା । ତେବେ ବଲାଙ୍ଗୀର ରେଳ ଷ୍ଟେସନରୁ RPF ପୋଲିସ ଅଧିକାରୀ ଅଭିଯୁକ୍ତକୁ କାବୁ କରି ନାବାଳିକାକୁ ଉଦ୍ଧାର କରିଥିଲେ । ଏହାପରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିଲା । ଏହି ଘଟଣାରୁ ଶୁଣାଣି କରି ଅଭିଯୁକ୍ତକୁ ଦଣ୍ଡିତ କରିଛନ୍ତି ଜିଲ୍ଲା ପୋକ୍ସୋ କୋର୍ଟ ।