ଲକଡାଉନର ପ୍ରଭାବ, ଜରୁରୀ ସେବାକୁ ଛାଡି ସବୁ ବନ୍ଦ

କଳାହାଣ୍ଡି ଜିଲ୍ଲାରେ ସମସ୍ତ ଦୋକାନ ବଜାର ବନ୍ଦ ରହିବା ସହ ଗାଡି ଚଳାଚଳ ମଧ୍ୟ ବନ୍ଦ ରହିଛି । ଜରୁରୀ କାମ ନଥିଲେ ଲୋକେ ବାହାରକୁ ବାହାରୁ ନ ଥିବା ଦେଖିବାକୁ ମିଳିଛି । ଅଧିକ ପଢନ୍ତୁ...

ଭବାନୀପାଟଣା:ରାଜ୍ୟରେ ଆରମ୍ଭ ତାଲାବନ୍ଦ । ହୁହୁ ହୋଇ ବଢି ଚାଲିଥିବା ସଂକ୍ରମଣ ଚେନକୁ ରୋକିବା ପାଇଁ ୧୪ ଦିନିଆ ଲକଡାଉନ ଘୋଷଣା କରିଛନ୍ତି ରାଜ୍ୟ ସରକାର । ଆଜି ଠାରୁ ଅର୍ଥାତ ମେ ୫ ତାରିଖ ଠାରୁ ୧୯ ତାରିଖ ପର୍ଯ୍ୟନ୍ତ ରାଜ୍ୟରେ ଲାଗୁ ହୋଇଛି ଲକଡାଉନ । କେବଳ ନିର୍ଦ୍ଦିଷ୍ଟ କିଛି ସେବାକୁ ବାଦ ଦେଲେ ଅନ୍ୟ ସମସ୍ତ ସେବା ବନ୍ଦ ରହିବ । ତେବେ ଏହାର ପ୍ରଭାବ କଳାହାଣ୍ଡି ଜିଲ୍ଲା ସମେତ ଭବାନୀପାଟଣାରେ ମଧ୍ୟ ଦେଖିବାକୁ ମିଳିଛି । ଜିଲ୍ଲାରେ ସମସ୍ତ ଦୋକାନ ବଜାର ବନ୍ଦ ରହିବା ସହ ଗାଡି ଚଳାଚଳ ମଧ୍ୟ ବନ୍ଦ ରହିଛି । ଜରୁରୀ କାମ ନଥିଲେ ଲୋକେ ବାହାରକୁ ବାହାରୁ ନଥିବା ଦେଖିବାକୁ ମିଳିଛି ।

ଏଥିସହ ଯେପରି ହଇରାଣ ନହୁଅନ୍ତି, ସେଥିପାଇଁ ସକାଳ ୬ ଟାରୁ ୧୨ ଟା ଯାଏଁ ରାସ୍ତାକଡ଼ରେ ଥିବା ଜଳଖିଆ ଦୋକାନ, ପନିପରିବା, ମାଛ, ମାଂସ, ଫଳ ଦୋକାନ ଆଦି ଖୋଲା ରହିବ । ଲୋକେ ୫୦୦ ମିଟର ପର୍ଯ୍ୟନ୍ତ ଚାଲିଚାଲି ଯାଇ ଜରୁରୀ ସାମଗ୍ରୀ ଆଣି ପାରିବେ । ଏହା ସହ ଜରୁରୀ ସେବା ମଧ୍ୟ ଜାରି ରହିବ । ସୁରକ୍ଷା ଦୃଷ୍ଟିରୁ କଳାହାଣ୍ଡି ଜିଲ୍ଲା ପୋଲିସ ପକ୍ଷରୁ ଜିଲ୍ଲାର ସମସ୍ତେ ପ୍ରବେଶ ପଥରେ ପୋଲିସ ଫୋର୍ସକୁ ମୁତୟନ କରାଯାଇଥିବାବେଳେ ଭବାନୀପାଟଣା ସହରର ସମସ୍ତ ଛକରେ ପୋଲିସ ପକ୍ଷରୁ ଚେକିଂକୁ କଡାକଡି କରାଯାଇଛି ।କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ