ଭବାନୀପାଟଣା: ପିଡିଏସ ଚାଉଳ ଚୋରା ଚାଲାଣ ବେଳେ ଧରିଲେ ଗ୍ରାମବାସୀ । ସ୍ବୟଂ ସହାୟକ ଗୋଷ୍ଠୀ ଦ୍ବାରା ଚୋରା ଚାଲାଣ ବେଳେ ସ୍ଥାନୀୟ ଲୋକଙ୍କ ଦ୍ବାରା ଜବତ । ୧୫ କ୍ବିଣ୍ଟାଲରୁ ଉର୍ଦ୍ଧ୍ବ ଚାଉଳ ସହିତ ଏଗୁଡ଼ିକ ଚାଲାଣ ହେଉଥିବା ଅଟୋକୁ ଅଟକାଇ ରଖିଛନ୍ତି ଗ୍ରାମବାସୀ । ଖବର ପାଇ ଘଟଣାସ୍ଥଳରେ ତଦନ୍ତ କରୁଛି ଜିଲ୍ଲା ଯୋଗାଣ ବିଭାଗ । ସେପଟେ ସମ୍ପୃକ୍ତ ସ୍ବୟଂ ସହାୟକ ଗୋଷ୍ଠୀ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ସ୍ଥାନୀୟ ଲୋକେ ।
କଳାହାଣ୍ଡିରେ ପିଡିଏସ ଚାଉଳ ଚୋରା ଚାଲାଣ, ଧରିଲେ ଗ୍ରାମବାସୀ
କଳାହାଣ୍ଡିରେ ସ୍ବୟଂ ସହାୟକ ଗୋଷ୍ଠୀ ଦ୍ବାରା ପିଡିଏସ ଚାଉଳ ଚୋରା ଚାଲାଣ ଅଭିଯୋଗ (PDS rice smuggling in kalahandi )। ୧୫ କ୍ବିଣ୍ଟାଲରୁ ଉର୍ଦ୍ଧ୍ବ ଚାଉଳ ଗୋଟିଏ ଅଟୋଯୋଗେ ଚାଲାଣ ହେଉଥିବା ବେଳେ କାବୁ କଲେ ଗ୍ରାମବାସୀ । ଘଟଣାସ୍ଥଳରେ ତଦନ୍ତ କରୁଛି ଜିଲ୍ଲା ଯୋଗାଣ ବିଭାଗ । ଅଧିକ ପଢ଼ନ୍ତୁ
ଅଭିଯୋଗ ଅନୁଯାୟୀ କଳାହାଣ୍ଡି ଜିଲ୍ଲା ଆଦିବାସୀ ଅଧ୍ୟୁଷିତ ଲାଞ୍ଜିଗଡ଼ ବ୍ଲକ ଅନ୍ତର୍ଗତ ବେନଗାଁ ଗ୍ରାମପଞ୍ଚାୟତରେ ଥିବା ମା ଭୈରବୀ ସ୍ବୟଂ ସହାୟକ ଗୋଷ୍ଠୀର ସଦସ୍ୟମାନେ ଦୀର୍ଘ ଦିନ ଧରି ପିଡିଏସ ଚାଉଳ ବଣ୍ଟନ ଦାୟିତ୍ବ ତୁଲାଉଛନ୍ତି । ତେବେ ଦୁର୍ଗମ ଅଞ୍ଚଳ ହେତୁ ଏଠାରେ ସରକାରୀ ସ୍ଥରରେ କୌଣସି ଯାଞ୍ଚ ପ୍ରକ୍ରିୟା ହୋଇନଥାଏ । ଯାହା ଫଳରେ ସମ୍ପୃକ୍ତ ସ୍ବୟଂ ସହାୟକ ଗୋଷ୍ଠୀର ମନମାନି ବଢି଼ଚାଲିଥିବା ବାରମ୍ବାର ଅଭିଯୋଗ ହୋଇଛି । ଏପରିକି ଗରିବ ହିତାଧିକାରୀଙ୍କ ପାଇଁ ଆସୁଥିବା ପିଡିଏସ ସାମଗ୍ରୀକୁ ଖୋଲା ବଜାରରେ ବିକି ଦିଆଯାଉଥିବା ଅଞ୍ଚଳବାସୀ ଅନେକ ଥର ଅଭିଯୋଗ ମଧ୍ୟ କରିଛନ୍ତି । ତେବେ ଗତକାଲି(ଶନିବାର) ରାତିରେ ଏହି ପିଡିଏସ ଚାଉଳ ଗୋଟିଏ ଅଟୋ ଯୋଗେ ଚୋରା ଚାଲାଣ ହେଉଥିବା ବେଳେ ଗ୍ରାମବାସୀ ଏହାକୁ କାବୁ କରିଛନ୍ତି । ଖବର ପାଇ ଘଟଣାସ୍ଥଳରେ ଜିଲ୍ଲା ଯୋଗାଣ ବିଭାଗର ଏକ ଟିମ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।
ଇଟିଭି ଭାରତ, କଳାହାଣ୍ଡି