ଭବାନୀପାଟଣା: ଆତ୍ମସମର୍ପଣ କଲା ଆଉ ଜଣେ ହାର୍ଡକୋର ମାଓବାଦୀ ଲାଲସୁ ଓରଫ ଲକ୍ଷ୍ମଣ ଆପକା । ଆଜି(ରବିବାର) କଳାହାଣ୍ଡି ପୋଲିସ ନିକଟରେ ଆତ୍ମସମର୍ପଣ କରିଛି ଏହି ହାର୍ଡକୋର ମାଓବାଦୀ । ଦୀର୍ଘ ୧୩ ବର୍ଷ ଧରି ଛତିଶଗଡ଼ ଏବଂ ଓଡିଶା ମାଓ ସଂଗଠନରେ ଏରିଆ କମାଣ୍ଡର ଭାବରେ କାର୍ଯ୍ୟକରି ଆସୁଥିବା ଲକ୍ଷ୍ମଣ କଳାହାଣ୍ଡି ଜିଲ୍ଲାରେ ବଂଶଧାର ଘୁମୁସର ନାଗାବଳୀ CPI ମାଓ ସଙ୍ଗଠନରେ ଦୀର୍ଘ ୧୧ ବର୍ଷ ଧରି ୫ଟି ବଡ଼ ଘଟଣାରେ ସାମିଲ ଥିଲା ।
କଳାହାଣ୍ଡି ପୋଲିସ ପାଖରେ ହାର୍ଡକୋର ମାଓବାଦୀ ଲାଲସୁର ଆତ୍ମସମର୍ପଣ
ଲାଲସୁ ଓରଫ ଲକ୍ଷ୍ମଣ ଆପକା ନାଁରେ ସରକାର ୫ଲକ୍ଷ ଟଙ୍କାର ପୁରସ୍କାର ରାଶି ମଧ୍ୟ ଘୋଷଣା କରିଥିଲେ । ରବିବାର ଲକ୍ଷ୍ମଣ କଳାହାଣ୍ଡି ପୋଲିସ ନିକଟରେ ଆତ୍ମସମର୍ପଣ କରିଛି । ଏନେଇ କଳାହାଣ୍ଡି ପୋଲିସ ପକ୍ଷରୁ ଏକ ସାମ୍ବାଦିକ ସମ୍ବିଳନୀରେ ସୂଚନା ଦିଆଯାଇଛି ।