ଓଲଟିଲା ବୋଲେରୋ: ଜଣେ ମୃତ, 3 ଗୁରୁତର

ମାଲକାନଗିରିର କାଲିମେଳାରୁ ବାଲେଶ୍ବରକୁ ଫେରୁଥିବାବେଳେ ଘଟିଲା ଦୁର୍ଘଟଣା । ଜଣଙ୍କର ମୃତ୍ୟୁ । ବୋଲେରୋରେ ଚାଳକ ସମେତ ୪ ଜଣ ଯାତ୍ରୀ ଥିଲେ । ଅଧିକ ପଢନ୍ତୁ...

କଳାହାଣ୍ଡି: ବାଲେଶ୍ବର ଫେରୁଥିବାବେଳେ ଘଟିଛି ଦୁଃଖଦ ମୃତ୍ୟୁ । ଘରେ ପହଞ୍ଚିବା ଆଗରୁ ଚାଲିଯାଇଛି ଜୀବନ । ନିୟନ୍ତ୍ରଣ ହରାଇ ବୋଲେରୋ ଓଲଟିଯିବାରୁ ଜଣକର ମୃତ୍ୟୁ ହୋଇଛି ।

କଳାହାଣ୍ଡି କେସିଙ୍ଗା ଥାନା ଅନ୍ତର୍ଗତ ଗାଈଗାଁଠାରେ ଭାରସାମ୍ୟ ହରାଇ ବୋଲେରୋ ଦୁର୍ଘଟଣାଗ୍ରସ୍ତ ହୋଇଛି । ମାଲକାନଗିରିର କାଲିମେଳାରୁ ବାଲେଶ୍ବରକୁ ଫେରୁଥିବାବେଳେ ଏହି ଦୁର୍ଘଟଣା ଘଟିଛି । ବୋଲେରୋରେ ଚାଳକ ସମେତ ୪ ଜଣ ଯାତ୍ରୀ ଥିଲେ ।

ତେବେ ଜଣଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । ମୃତକ ଜଣକ ହେଲେ ବାଲେଶ୍ବରର ସନ୍ତୋଷ କାଠ । ଅନ୍ୟ ୩ ଜଣ ବର୍ତ୍ତମାନ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

କଳାହାଣ୍ଡିରୁ ଅଜିତ ସିଂହ, ଇଟିଭି ଭାରତ