ଭବାନୀପାଟଣା : ପଦାରେ ପଡ଼ିଲା ପୂର୍ତ୍ତ ବିଭାଗର କାର୍ଯ୍ୟ କଳାପ । ଗତ ୪ଦିନ ତଳେ ତିଆରି କରିଥିବା ରାସ୍ତାଟି ଲଗାଣ ବର୍ଷାରେ ଭାଙ୍ଗି ଯାଇଛି । ଫଳରେ ଯାତାୟତ ଏକ ପ୍ରକାର ଠପ୍ ହୋଇଯାଇଛି । ଏହାକୁ ନେଇ ପୂର୍ତ୍ତ ବିଭାଗର କାର୍ଯ୍ୟକଳାପ ଉପରେ ଆଙ୍ଗୁଳି ଉଠାଇଛନ୍ତି ସ୍ଥାନୀୟ ବାସିନ୍ଦା । ଏଭଳି ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଭବାନୀପାଟଣା ଧର୍ମଗଡ଼ ଜାତୀୟ ରାଜପଥ (୧୩୦ସି) ବଡ଼ବସୁଲ ନିକଟରେ ।
ପୂର୍ତ୍ତ ବିଭାଗର ଖାମଖିଆଲି କାମ ଯୋଗୁଁ ଧୋଇଗଲା ଆପ୍ରୋଚ ରାସ୍ତା, ଯାତାୟତ ଠପ୍
ସୂଚନାନୁସାରେ ଜିଲ୍ଲାରେ କିଛିଦିନ ହେବ ଲାଗି ରହିଛି ଲଗାଣ ବର୍ଷା । ଯାହାକୁ ନେଇ ଅସ୍ତବ୍ୟସ୍ତ ହୋଇ ପଡିଛି ଜନଜୀବନ । ତେବେ ଏହି ଲଗାଣ ବର୍ଷାରେ ଧୋଇଯାଇଥିଲା ଆପ୍ରୋଚ ରୋଡ୍ । ଏନେଇ ଯାତାୟତ ଠପ୍ ହୋଇପଡ଼ିଥିଲା । ଜିଲ୍ଲା ପ୍ରଶାସନର ନିର୍ଦ୍ଦେଶ କ୍ରମେ ପୂର୍ତ୍ତ ବିଭାଗ ଏହାର ମରାମତି ପାଇଁ ଦାୟୀତ୍ବ ନେଇଥିଲା । ଏନେଇ ଏକ ଆପ୍ରୋଚ ରୋଡ୍ ତିଆରି ହୋଇଥିଲା ।