କଳାହାଣ୍ଡିରେ ଆଉ ୫ କୋରୋନା ଆକ୍ରାନ୍ତ ଚିହ୍ନଟ

କଳାହାଣ୍ଡି ଜିଲ୍ଲାରେ ବର୍ତ୍ତମାନ ଆକ୍ରାନ୍ତଙ୍କ ସଂଖ୍ୟା ୨୦ ଛୁଇଁଛି । ସମସ୍ତେ ଫେରନ୍ତା ପ୍ରବାସୀ ଶ୍ରମିକ । ଏମାନେ ସମସ୍ତେ ଗତ ୧୭ ତାରିଖରେ କଳାହାଣ୍ଡି ଫେରି ଗୋଲାମୁଣ୍ଡା କ୍ବାରେଣ୍ଟାଇନରେ ଥିଲେ ।

ଭବାନୀପାଟଣା: ଜିଲ୍ଲାରେ ଆଉ ୫ କୋରୋନା ଆକ୍ରାନ୍ତ ଚିହ୍ନଟ । ବର୍ତ୍ତମାନ ଆକ୍ରାନ୍ତଙ୍କ ସଂଖ୍ୟା ୨୦ ଛୁଇଁଛି । ପ୍ରଥମ ୨ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ଶନିବାର ୫ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ଆକ୍ରାନ୍ତ ୫ଜଣ ଗୋଲାମୁଣ୍ଡା ଅଞ୍ଚଳର ହୋଇଥିବା ବେଳେ ୫ଜଣକଙ୍କ ମଧ୍ୟରୁ ୨ଜଣ ତେଲେଙ୍ଗାନା ଫେରନ୍ତା ଓ ଅନ୍ୟ ୨ଜଣ ମହାରାଷ୍ଟ୍ର ଫେରନ୍ତା ଓ ଜଣେ ଗୁଜୁରାଟ ଫେରନ୍ତା ବୋଲି ଜଣାପଡିଛି । ସମସ୍ତେ ଫେରନ୍ତା ପ୍ରବାସୀ ଶ୍ରମିକ । ଏମାନେ ସମସ୍ତେ ଗତ ୧୭ ତାରିଖରେ କଳାହାଣ୍ଡି ଫେରି ଗୋଲାମୁଣ୍ଡା କ୍ବାରେଣ୍ଟାଇନରେ ଥିଲେ । ୧୯ ତାରିଖରେ ଏମାନଙ୍କ ସ୍ବାବ ସଂଗ୍ରହ ହୋଇଥିଲା । ଶନିବାର ସେମାନଙ୍କ ନମୁନା ରିପୋର୍ଟ ପଜିଟିଭ ଆସିଛି । ତେବେ ଏନେଇ ସୂଚନା ଦେଇଛନ୍ତି କଳାହାଣ୍ଡି ଜିଲ୍ଲା ସିଡିଏମଓ ।

କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ