ଭବାନୀପାଟଣା: ଜମିଜମା ବିବାଦକୁ ନେଇ ଅକାଳରେ ଚାଲିଗଲା ଗୋଟିଏ ଜୀବନ । ପୁତୁରାର ଟାଙ୍ଗିଆ ଚୋଟରେ ଜୀବନ ହାରିଛି କକା । କଳାହାଣ୍ଡି ଜିଲ୍ଲା ସଦର ଥାନା ଠେମରା ଗାଁରେ ଦେଖିବାକୁ ମିଳିଛି ଏହି ଅଭାବନୀୟ ଘଟଣା । ସଦର ପୋଲିସ ମୃତକଙ୍କ ମୃତ୍ୟୁକାଳୀନ ଜମାବନ୍ଦୀ ଆଧାରରେ ତଦନ୍ତ ଜାରି ରଖିଛି ।
ଜମିଜମା ବିବାଦ, ପୁତୁରା ଟାଙ୍ଗିଆ ଚୋଟରେ କକା ମୃତ
ମୃତକଙ୍କ ନାମ ପାଣ୍ଡେ ମେହେର ବୋଲି ଜଣାପଡ଼ିଛି । ଗତ ୨୧ ତାରିଖରେ ପୋଲିସ ଘଟଣାରେ ମୁଖ୍ୟ ଅଭିଯୁକ୍ତ ତଥା ମୃତକଙ୍କ ପୁତୁରା ଟଙ୍କଧର ମେହେରକୁ ଗିରଫ କରିଛି। ପାଣ୍ଡେ ଓ ଟଙ୍କଧରଙ୍କ ମଧ୍ୟରେ କକା-ପୁତୁରାର ସମ୍ପର୍କ । ଗତ ୨୧ ତାରିଖରେ ଜମିଜମା ବିବାଦକୁ ନେଇ ଉଭୟଙ୍କ ଅଧ୍ୟରେ ବଚସା ହୋଇଥିଲା । ଏଥିରେ ଟଙ୍କଧର ଉତକ୍ଷିପ୍ତ ହୋଇ କକା ପାଣ୍ଡେଙ୍କୁ ଟାଙ୍ଗିଆରେ ଆକ୍ରମଣ କରିଥିଲା ।