ଭବାନୀପାଟଣା: ସାପ ଉଜାଡି ଦେଲା ସୁନାର ସଂସାର । ଶୋଇଥିବା ଅବସ୍ଥାରେ ମାଆ ପୁଅକୁ କାମୁଡିଲା ବିଷାକ୍ତ ସର୍ପ । କିଛି ଜାଣିବା ଓ ବୁଝିବା ପୂର୍ବରୁ 2 ନିରୀହ ଜୀବନ ଚାଲି ଯାଇଛି । ଏପରି ଏକ ଅଭାବନୀୟ ଘଟଣା ଘଟିଛି କଳାହାଣ୍ଡି ଜିଲ୍ଲା ବିଜେପୁର ଥାନା ଅନ୍ତର୍ଗତ ସୋରଗୁଡାରେ । ମୃତକ ହେଲେ ଲେଲା ଓ ତାଙ୍କ 7 ବର୍ଷର ପୁଅ ଦୀପକ ।
ସାପ କାମୁଡାରେ ମାଆ ପୁଅ ମୃତ
ରାତିରେ ଶୋଇଥିବା ସମୟରେ ଏକ ବିଷାକ୍ତ ସାପ ଉଭୟ ମା ଓ ପୁଅକୁ କାମୁଡିବା ଫଳରେ ଦୁହିଁଙ୍କ ଅବସ୍ଥା ସଙ୍କଟାପନ୍ନ ହୋଇଥିଲା । ପରେ ଗୁରୁତର ଅବସ୍ଥାରେ ଉଭୟଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ଚିକିତ୍ସାଧୀନ ଅବସ୍ଥାରେ ହିଁ ଉଭୟ ମା ଓ ପୁଅ ମୃତ୍ୟୁ ହୋଇଛି । ସ୍ୱାମୀ ଗଦନ ମାଝୀ ମୃତ ସ୍ତ୍ରୀ ଓ ୭ ବର୍ଷର ପୁଅକୁ ହରାଇ ଦୁଃଖରେ ଭାଙ୍ଗି ପଡିଛି ।