ଭବାନୀପାଟଣା: କାମଧନ୍ଧା ଅଭାବରୁ ରାଜ୍ୟ ବାହାରକୁ ଦାଦନ ଖଟିବାକୁ ଯାଉଛନ୍ତି ଲୋକେ । ଅସ୍ବାସ୍ଥ୍ୟକର ପରିବେଶ ଓ ହାଡ଼ଭଙ୍ଗା ପରିଶ୍ରମ ଫଳରେ ଅନେକ ଦାଦନ ଶ୍ରମିକ ମୃତ୍ୟୁମୁଖରେ ପଡୁଛନ୍ତି । ପରିସ୍ଥିତି ଏପରି ହେଉଛି ଯେ,ମୃତ ଦାଦନର ମୃତଦେହ ମଧ୍ୟ ନିଜ ଭିଟାମାଟିକୁ ଫେରିପାରିନଥିଲା । ଏପରି ଏକ ଘଟଣା ଦେଖିବାକୁ ମିଳିଛି କଳାହାଣ୍ତି ଜିଲ୍ଲାର କନ୍ଦାବୁଟୁରା ଗାଁରେ ।
ପୁଣି ଦାଦନ ଦୁଃଖ:ଭିଟାମାଟିକୁ ଆସିଲାନି ମୃତଦେହ, ହାଇଦ୍ରାବାଦରେ ହେଲା ଅନ୍ତିମ ସତ୍କାର
ସୂଚନା ଅନୁଯାୟୀ କୋକସରା ବ୍ଲକ ଅନ୍ତର୍ଗତ କନ୍ଦାବୁଟୁରା ଗାଁର ପୂର୍ଣ୍ଣମୀ ଛାତ୍ରୀୟ ନିଜ ସ୍ବାମୀଙ୍କ ସହ ପରିବାର ପ୍ରତିପୋଷଣ ଆଶାରେ ଗତ ୫ ମାସ ତଳେ ହାଇଦ୍ରାବାଦକୁ ଦାଦନ ଖଟିବାକୁ ଯାଇଥିଲେ । ସେଠାରେ ଏକ ଇଟା ଭାଟିରେ କାମ କରିବା ସମୟରେ ହଟାତ ପୂର୍ଣ୍ଣମୀଙ୍କ ସ୍ବାସ୍ଥ୍ୟ ସମସ୍ୟା ଦେଖା ଦେଇଥିଲା । ଫଳରେ ସେଠାରେ ତାଙ୍କର ମୃତ୍ୟୁ ହୋଇଯାଇଥିଲା ।