ଭବାନୀପାଟଣା: କଳାହାଣ୍ଡି ଜିଲ୍ଲାର ବିଜେପୁର ଥାନା ଅନ୍ତର୍ଗତ ବେନଗାଁ ପଞ୍ଚାୟତ ବାଲିଗୁଡା ଗ୍ରାମର ଜଣେ ଶ୍ରମିକଙ୍କ ତାମିଲନାଡୁରେ ସଡକ ଦୁର୍ଘଟଣାରେ ମୃତ୍ୟୁ ଘଟିଛି । ମଙ୍ଗଳବାର ଦିନ ଦୁର୍ଘଟଣାରେ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ତାଙ୍କ ମୃତ ଶରୀରକୁ ଶନିବାର ସଂପର୍କୀୟଙ୍କୁ ହସ୍ତାନ୍ତର କରାଯାଇଛି ।
ଓଡିଆ ଶ୍ରମିକଙ୍କ ତାମିଲନାଡୁରେ ମୃତ୍ୟୁ
ମିଳିଥିବା ସୂଚନା ଅନୁସାରେ, ମୃତକ ଜଣକ ହେଉଛନ୍ତି ବାଲିଗୁଡା ଗ୍ରାମର ଘାସେ ମାଝୀ । ସେ ପ୍ରାୟ ଦେଢ ବର୍ଷ ଧରି ତାମିଲନାଡୁ ରାଜ୍ୟର ତିରପୁର ଜିଲ୍ଲାର ଅଲଙ୍ଗିୟମ ଥାନା ଅଞ୍ଚଳର ଲକ୍ଷ୍ମୀ କ୍ରସରରେ କାମ କରୁଥିଲେ । ଗତ ମଙ୍ଗଳବାର ସକାଳ ୧୧ଟା ସମୟରେ ସାଙ୍ଗମାନଙ୍କ ସହିତ ଏକ ବାଇକରେ ଯାଉଥିବା ସମୟରେ ସାମ୍ନା ପଟୁ ଏକ କାର (ଟିଏନ ୩୭ଡିଓଆଇ-୬୦୩୯) ଧକ୍କା ଦେବା ଯୋଗୁଁ ଘାସେ ଛିଟିକି ପଡି ରାସ୍ତା କଡରେ ଥିବା ଏକ ପଥର ଗଦାରେ ପଡିଯାଇ ଥିଲେ ।