କଳାହାଣ୍ଡି: ମାଓବାଦୀଙ୍କ ଶହୀଦ ସପ୍ତାହର ଚତୁର୍ଥ ଦିନ । ଜିଲ୍ଲାରେ ଜୁଲାଇ ୨୮ ତାରିଖ ଠାରୁ ଶହୀଦ ସପ୍ତାହ ପାଳନ କରୁଛନ୍ତି ମାଓବାଦୀ । ଅଗଷ୍ଟ ୩ ତାରିଖ ଯାଏଁ ଶହୀଦ ସପ୍ତାହ ପାଳନ କରିବେ ମାଓବାଦୀ । ଏଥି ପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଏ ନେଇ ସୀମାନ୍ତ ଜିଲ୍ଲା ଗୁଡିକରେ ହାଇଆର୍ଲଟ । ଗାଡ଼ି ଚଳାଚଳ ବନ୍ଦ ସହ ଲୋକେ ଆତଙ୍କିତ ରହିଛନ୍ତି ।
ବିଭିନ୍ନ ସ୍ଥାନରେ ସୁରକ୍ଷାବାହିନୀଙ୍କ କଡା ପ୍ରହରା ଜାରି ରହିଛି । ବିଗତ ଦିନ ଗୁଡିକରେ ପୋଲିସ ଗୁଳିରେ ପ୍ରାଣ ହରାଇଥିବା ସାଥିଙ୍କୁ ମନେ ପକାଇ ଲାଲବାହିନୀ ଏହି ଶହୀଦ ସପ୍ତାହ ପାଳନ କରୁଛନ୍ତି । ଏଥିପାଇଁ ନକ୍ସଲମାନେ ଜିଲ୍ଲାର ବିଭିନ୍ନ ଅଞ୍ଚଳରେ ପୋଷ୍ଟର ଲଗାଇ ସାଧାରଣ ଲୋକଙ୍କୁ ସେମାନଙ୍କ ଶହୀଦ ସପ୍ତାହରେ ସାମିଲ ହେବା ଲାଗି ଆହ୍ବାନ କରିଥିଲେ । ଶହୀଦ ସପ୍ତାହକୁ ନେଇ ଜିଲ୍ଲାର ମାଓ ପ୍ରବଣ ଅଞ୍ଚଳମାନଙ୍କରେ ସିଆରପିଏଫ ,ଏସଓଜି , କୋବ୍ରା, ଡିବିଏଫ ଯବାନଙ୍କ ପକ୍ଷରୁ କୁମ୍ବିଂ ଅପରେସନ ଜୋରଦାର କରାଯାଇଛି ।
ଭିଡିଓ ସୋଜନ୍ୟ: ସମ୍ବାଦଦାତା, କଳାହାଣ୍ଡି