ଭବାନୀପାଟଣା:କଳାହାଣ୍ଡି ଜିଲ୍ଲାରେ ବିଜେଡ଼ିର ମିଶ୍ରଣ ପର୍ବ(Mishrana Parba of Kalahandi BJD)ରେ ଯୋଗ ଦେଇଛନ୍ତି ଶତାଧିକ ବିଜେପି ଓ କଂଗ୍ରେସ କର୍ମୀ । ଜିଲ୍ଲା ସଭାପତି ପୁଷ୍ପେନ୍ଦ୍ର ସିଂଦେଓଙ୍କ ଅଧ୍ୟକ୍ଷତାରେ ଅନୁଷ୍ଠିତ ମିଶ୍ରଣ ପର୍ବରେ ବିଜେଡିର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଓ ସ୍ବାସ୍ଥ୍ୟମନ୍ତ୍ରୀ ନବ ଦାସ ପ୍ରମୁଖ ହୋଇଥିଲେ ସାମିଲ ।
BJD Mishrana Parba: ଯୋଗ ଦେଲେ ଶତାଧିକ ବିଜେପି କଂଗ୍ରେସ କର୍ମୀ
ଜିଲ୍ଲା ବିଜେଡ଼ି ପକ୍ଷରୁ ଗୁରୁବାର ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଏହି ମିଶ୍ରଣ ପର୍ବରେ ଜିଲ୍ଲା ବିଜେପିର ବରିଷ୍ଠ ନେତା ବଦ୍ରି ପଟ୍ଟନାୟକ ନିଜ ଶତାଧିକ କର୍ମୀଙ୍କୁ ନେଇ ବିଜେଡି଼ର ଯୋଗ ଦେଇଥିବା ବେଳେ କଂଗ୍ରେସର ବରିଷ୍ଠ ନେତା ଦେଶରାଜ ଜୁଆଡ଼ ନିଜ ସମର୍ଥକଙ୍କୁ ନେଇ ଦଳରେ ସାମିଲ ହୋଇଛନ୍ତି । ଆଗକୁ ପଞ୍ଚାୟତ ନିର୍ବାଚନ ଥିବା ବେଳେ ବିଜେଡି଼ର ମିଶ୍ରଣ ପର୍ବକୁ ନେଇ ବିରୋଧୀ ଶିବିରରେ ଛନକା ପଶିଛି ।