ଦାଦନ ସମସ୍ୟା ରୋକିବାକୁ ଯୁବକଙ୍କ ଅଭିନବ ପ୍ରୟାସ, ୨୫ କିମି ପଦଯାତ୍ରା କରି ଉପ ଜିଲ୍ଲାପାଳଙ୍କୁ ଦାବିପତ୍ର ଦେଲେ

ଦାଦନ ସମସ୍ୟା ରୋକିବାକୁ ଯୁବକଙ୍କ ଅଭିନବ ପ୍ରୟାସ । କଳାହାଣ୍ଡି ଜିଲ୍ଲାରେ ଉଗ୍ରରୂପ ନେବାରେ ଲାଗିଛି ଦାଦନ ସମସ୍ୟା । ଗତ କିଛି ଦିନ ଧରି ଦାଦନ ଖଟିବାକୁ ଯାଇଥିବା ଅନେକ ଶ୍ରମିକଙ୍କ ମୃତଦେହ ଫେରୁଛି । ତେବେ ଦାଦନ ପ୍ରଥାକୁ ରୋକିବା ଲାଗି ଜଣେ ଯୁବକ ୨୫କିମି ଯାତ୍ରା କରି ରାଜ୍ୟ ସରକାରଙ୍କୁ ଦାବିପତ୍ର ପ୍ରଦାନ କରିଛନ୍ତି । ଅଧିକ ପଢନ୍ତୁ

ଭବାନୀପାଟଣା:କଳାହାଣ୍ଡି ଜିଲ୍ଲାରେ ଦାଦନ ଶ୍ରମିକ ଚାଲାଣ (Migration of labour in Kalahandi)ରୋକିବା ନେଇ ଯୁବକଙ୍କ ଉଦ୍ୟମ (Man walked 25kms to protest against Migrant labour issue in district) । ଚାଲି ଚାଲି ଉପ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ରାଜ୍ୟ ସରକାରଙ୍କୁ ଦେଲେ ଦାବିପତ୍ର । ଯୁବକ ଜଣକ ଦୀର୍ଘ ୨୫ କିଲୋମିଟର ପଦଯାତ୍ରା କରି ଧର୍ମଗଡ଼ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ଏହି ଦାବିପତ୍ର ପ୍ରଦାନ କରିଛନ୍ତି ।

ଜିଲ୍ଲାର ବକ୍ରସିଲ ଗାଁର ରୁକାଚନ ମାଝୀ ଜିଲ୍ଲାରେ ଦେଖା ଦେଇଥିବା ଦାଦନ ଦୁଃଖକୁ ନେଇ ଅଭିନବ ଢଙ୍ଗରେ ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି । ଏଥିପାଇଁ ରୁକଚାନ ନିଜ ଘରୁ ଦାଦନ ପ୍ରଥା ରୋକିବା ପାଇଁ ଓ ସରକାର ଏଥିପ୍ରତି ସ୍ବତନ୍ତ୍ର ଦୃଷ୍ଟି ଦେବା ଦାବିରେ ଦୀର୍ଘ ୨୫ କିଲୋମିଟର ପଦଯାତ୍ରା କରି ଧର୍ମଗଡ଼ ଉପ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ । ଏନେଇ ରୁକଚନ ରାଜ୍ୟ ସରକାରଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରିଛନ୍ତି । ତାଙ୍କର ପଦଯାତ୍ରା ସମୟରେ ବିଭିନ୍ନ ସ୍ଥାନରେ ସମାଜସେବୀ ବିଭିନ୍ନ ସଂଗଠନ ପକ୍ଷରୁ ସ୍ବାଗତ ସମ୍ବର୍ଦ୍ଧନା ଦିଆଯାଇଛି । ଯୁବକଙ୍କ ଏଭଳି ଉଦ୍ୟମକୁ ବିଭିନ୍ନ ମହଲରେ ବେଶ ପ୍ରଶଂସା କରାଯାଉଛି ।

ଏହା ମଧ୍ୟ ପଢନ୍ତୁ:ଦାଦାନ ଖଟିବାକୁ ଯାଇ ଯୁବକ ମୃତ

ଗତ କିଛି ଦିନ ହେଲା ଲଗାତାର ଜିଲ୍ଲାର ବିଭିନ୍ନ ଅଞ୍ଚଳକୁ ଦାଦନ ଶ୍ରମିକଙ୍କ ମୃତଦେହ ଫେରିବାକୁ ଲାଗିଛି । ଯାହା ଆମ ବ୍ୟବସ୍ଥାର ପାରିବା ପଣିଆ ଉପରେ ଉଠାଇଛି ପ୍ରଶ୍ନବାଚୀ । ଜିଲ୍ଲାରେ ଦିନକୁ ଦିନ ଉଗ୍ରରୂପ ଧାରଣ କରୁଛି ଦାଦନ ସମସ୍ୟା । ଛୋଟ ପିଲାଠୁ ଆରମ୍ଭ କରି ବୃଦ୍ଧ ସଭିଏଁ ଏବେ ଦାଦନ ମୁହାଁ ହେବାରେ ଲାଗିଛନ୍ତି । କାମଧନ୍ଦା ଅଭାବରୁ ଦୁଇ ପଇସା ରୋଜଗାର ଆଶାରେ ଘର ଛାଡ଼ୁଛନ୍ତି ସଭିଏଁ ।

ଏହା ମଧ୍ୟ ପଢନ୍ତୁ:ଥୁଆମୂଳ ରାମପୁର ରାଜରାସ୍ତାରେ ଗଜରାଜଙ୍କ ରାଜ, ୮ଘଣ୍ଟା ଯାତାୟାତ ଠପ

ଦାଦନ ପ୍ରଥା ରୋକିବା ପାଇଁ ସରକାର ଅନେକ ଯୋଜନା କରୁଥିଲେ ସୁଦ୍ଧା କେତେକ ଅଞ୍ଚଳରେ ଯୋଜନାର ସଠିକ ରୂପାୟନ ନ ହେବା ଯୋଗୁଁ ଆଜି ମଧ୍ୟ ହଜାର ହଜାର ଲୋକ ଅନ୍ୟ ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି । ଫଳରେ କାହାର ମୃତଦେହ ଘରକୁ ଫେରୁଛି ତ ଆଉ କିଏ ବିକଳାଙ୍ଗ ହେଇ ଫେରୁଛି । ଆଉ କିଏ ଫେରି ମଧ୍ୟ ପାରୁନାହାନ୍ତି । ଏହା ରୁକାଚନଙ୍କୁ ଖୁବ ବ୍ୟଥିତ କରିବାରୁ ସେ ଏ ନେଇ ସରକାରଙ୍କ ଦୃଷ୍ଟି ଆକର୍ଷଣ କରିଛନ୍ତି । ହାତରେ ଜାତୀୟ ପତାକା ଧରି ସେ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ରାଜ୍ୟ ସରକାରଙ୍କ ନିକଟରେ ଦାବି ଜଣାଇଛନ୍ତି ।

ଇଟିଭି ଭାରତ, କଳାହାଣ୍ଡି