ଭବାନୀପାଟଣା: ଗାଁ ମଝି ବରଗଛରେ ଝୁଲୁଛି ଯୁବକଙ୍କ ମୃତଦେହ । ଏଭଳି ଏକ ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଆମପାଣି ଥାନା ଅନ୍ତର୍ଗତ ଘଣ୍ଟିଗୁଡା ଗାଁରେ । ମୃତ ଯୁବକ ଜଣକ ହେଲେ ସୁପାଡ଼ ଗାଁର ଦିବାକର ମାଝୀ । ପାରିପାର୍ଶ୍ବିକ ସ୍ଥିତିକୁ ଦେଖି ଆତ୍ମହତ୍ୟା ସନ୍ଦେହ କରୁଛି ପୋଲିସ ।
ଖବରଅନୁସାରେ, ଆଜି(ସୋମବାର) ସକାଳୁ ଗାଁ ମଧ୍ୟରେ ଥିବା ବର ଗଛରେ ଜଣେ ଯୁବକଙ୍କ ଝୁଲନ୍ତା ମୃତଦେହ ଦେଖିଥିଲେ ଗ୍ରାମବାସୀ । ଏହାପରେ ସ୍ଥାନୀୟ ପୋଲିସକୁ ଖବର ଦେଇଥିଲେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଛି । ତେବେ ଦିବାକର ମାଝୀ ଦୀର୍ଘ ଦିନରୁ ଘଣ୍ଟିଗୁଡା ଗାଁରେ ନିଜ ମାମୁଙ୍କ ଘରେ ରହିଆସୁଥିଲେ । ତେବେ ପାରିପାର୍ଶ୍ବିକ ସ୍ଥତିକୁ ଦେଖି ଏହା ଆତ୍ମହତ୍ୟା ବୋଲି ସନ୍ଦେହ କରାଯାଉଥିବା ବେଳ ତଦନ୍ତ ପରେ ପ୍ରକୃତ କରାଣ ସ୍ପଷ୍ଟ ହେବ ବୋଲି କହିଛି ପୋଲିସ ।
ଇଟିଭି ଭାରତ, କଳାହାଣ୍ଡି
