ଭବାନୀପାଟଣା: ଆଜି ହେଉଛି ମହା ଶିବରାତ୍ରୀ । ଦେବ ଦେବ ମହାଦେବଙ୍କର ଏହି ଦିନଟିର ବିଶେଷ ମହିମା ରହିଛି । ବିଭିନ୍ନ ଶୈବପୀଠରେ ଆଜି ଭକ୍ତମାନେ ଅତି ଶ୍ରଦ୍ଧାର ସହ ପୂଜାର୍ଚ୍ଚନା କରୁଛନ୍ତି । ତେବେ କରୋନା କଟକଣା ଭିତରେ କଳାହାଣ୍ଡି ଜିଲ୍ଲାର ପ୍ରତିଟି ଶୈବପୀଠରେ ଭକ୍ତିମୟ ପରିବେଶ ଦେଖିବାକୁ ମିଳିଛି । ମହା ଶିବରାତ୍ରୀ ବା ଜାଗର ଯାତ୍ରା ପାଇଁ ପୁରପଲ୍ଲୀ ଉତ୍ସବମୁଖର ହୋଇଛି । କରୋନା କଟକଣା ମାନି ଭକ୍ତମାନେ ମହାଦେବଙ୍କୁ ଦର୍ଶନ କରୁଛନ୍ତି ।
କଳାହାଣ୍ଡିରେ ଚଳଚଞ୍ଚଳ ବିଭିନ୍ନ ଶୈବପୀଠ, କୋଭିଡ କଟକଣା ମାନି ଦର୍ଶନ କରୁଛନ୍ତି ଶ୍ରଦ୍ଧାଳୁ
କଳାହାଣ୍ଡି ଜିଲ୍ଲାର ଭବାନୀପାଟଣାଠାରେ ଥିବା ଜଳେଶ୍ବର ମନ୍ଦିର, ଭବାନୀଶଙ୍କର ମନ୍ଦିର ସମେତ ବେଲଖଣ୍ଡି ଓ ମୋହନଗିରିଠାରେ ଥିବା ସର୍ବପୁରାତନ ଶୈବପୀଠରେ ପ୍ରଭୁଙ୍କର ପୂର୍ବନିର୍ଦ୍ଧାରିତ ରୀତିନୀତି ଅନୁଯାୟୀ ପୂଜା ଚାଲିଛି । କରୋନା କଟକଣାକୁ ଦୃଷ୍ଟିରେ ରଖି ଶ୍ରଦ୍ଧାଳୁ ଦର୍ଶନ କରୁଥିବା ଦେଖିବାକୁ ମିଳିଛି ।