ଭବାନୀପାଟଣା: କଳାହାଣ୍ଡି ଜିଲ୍ଲାର ଜୟପାଟଣା ଥାନା ଅନ୍ତର୍ଗତ ମୁଖୀଗୁଡା ମହୁଲପାଟଣା ୭ ନମ୍ବର ଘାଟି ରାସ୍ତାରେ ମାରଣାସ୍ତ୍ର ଦେଖାଇ ଲୁଟ ହୋଇଥିବା ଜଣାପଡିଛି । ରାୟଗଡା ଜିଲ୍ଲାର କିଛି ଗାଈ ବ୍ୟବସାୟୀଙ୍କଠାରୁ 5 ଲକ୍ଷ ଟଙ୍କାର ଏହି ଲୁଟ ହୋଇଛି ।
ଗାଈ ବ୍ୟବସାୟୀଙ୍କଠାରୁ ଲକ୍ଷାଧିକ ଟଙ୍କା ଲୁଟିଲେ ଦୃର୍ବୁତ୍ତ
ଗୁରୁବାର ଜୟପାଟଣା ସାପ୍ତାହିକ ହାଟ ହୋଇଥିବାରୁ ଗାଈ କିଣିବା ପାଇଁ ରାୟଗଡା ଜିଲ୍ଲା ଦରାଗୁଡ଼ା ଥାନା ଅନ୍ତର୍ଗତ ଡି.କରଲ ଗାଁର ଚାରିଜଣ ଗାଈ ବ୍ୟବସାୟୀ ଆସିଥିଲେ । ସେମାନେ ହେଉଛନ୍ତି ଗୋବିନ୍ଦଚନ୍ଦ୍ର ନାଏକ, ଲବ ନାଏକ, ଭର୍ତ୍ତ ନାଏକ ଓ ସନାରୀ ନାଏକ । ସେମାନେ OR 18 A 8826 ନମ୍ବର ବୋଲେରୋ ଗାଡି ଯୋଗେ ମହୁଲପଟଣା ଘାଟି ରାସ୍ତା ଦେଇ ହାଟକୁ ଆସୁଥିବା ସମୟରେ ଚାରି ନମ୍ବର ଘାଟିରେ ଲୁଟର ଶିକାର ହୋଇଥିଲେ ।