ବନବିଭାଗର ଚଢାଉ; ଲକ୍ଷାଧିକ ଟଙ୍କାର ଶାଗୁଆନ କାଠ ଜବତ

କଳାହାଣ୍ଡି ଜିଲ୍ଲା ଉତ୍ତର ବନଖଣ୍ଡ ଅଧିନସ୍ଥ ଦୁଆରସୁନି ଗାଁରେ ବନ ବିଭାଗ ପକ୍ଷରୁ ଚାଢ଼ାଉ କରାଯାଇ ୩ଲକ୍ଷରୁ ଉର୍ଦ୍ଧ୍ବ ଟଙ୍କାର ଶାଗୁଆନ କାଠ ଜବତ ହୋଇଛି । ଅଧିକ ପଢନ୍ତୁ...

ଭବାନୀପାଟଣା: ବନବିଭାଗକୁ ସଫଳତା । କଳାହାଣ୍ଡି ଜିଲ୍ଲା ଉତ୍ତର ବନଖଣ୍ଡି ଅଧିନସ୍ଥ ଦୁଆରସୁନି ଗାଁରେ ବନ ବିଭାଗ ପକ୍ଷରୁ ଚଢ଼ାଉ କରାଯାଇଛି । ଚଢାଉରେ ୩ଲକ୍ଷରୁ ଉର୍ଦ୍ଧ୍ବ ଟଙ୍କାର ଶାଗୁଆନ କାଠ ଜବତ ହୋଇଛି ।

ସୂଚନାଅନୁଯାୟୀ, ଦୁଆରସୁନି ଗାଁର କିଛି କାଠ ମାଫିଆ ବେଆଇନ କାଠ ଚାଲାଣ କରୁଥିବା ନେଇ ବିଶେଷ ସୂତ୍ରରୁ ଖବର ପାଇଥିଲା । ଏହା ପରେ ଉତ୍ତର ବନଖଣ୍ଡ ଅଧିକାରୀ ନୀତିଶ କୁମାରଙ୍କ ନିର୍ଦ୍ଦେଶକ୍ରମେ ବନବିଭାଗର ଏକ ସ୍ୱତନ୍ତ୍ର ଟିମ ଦୁଆରସୁନି ଗାଁରେ ଚଢ଼ାଉ କରିଥିଲେ । ଚାଢ଼ାଉରେ ତିନିଲକ୍ଷରୁ ଭର୍ଦ୍ଧ୍ବ ଟଙ୍କାର ଶାଳ କାଠ ଜବତ କରିଛି ବନବିଭାଗ ।

ତେବେ ଘଟଣାସ୍ଥଳରୁ କାଠ ମାଫିଆ ମାନେ ଫେରାର ଅଛନ୍ତି । ଗାଁର ବିଭିନ୍ନ ସ୍ଥାନରୁ କାଠ ଓ କାଠ କାଟିବାରେ ବ୍ୟବହୃତ ସାମଗ୍ରୀ ଜବତ କରିଥିବା ବେଳେ ଏନେଇ ଅଧିକ ତଦନ୍ତ ଜାରି ରଖିଛି ବନ ବିଭାଗ ।

କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ