ଭବାନୀପାଟଣା: କେବିକେ କନ୍ଧମାଳର 10ଟି ଜିଲ୍ଲାର ସମ୍ମିଳନୀ । ଏକ ସମ୍ପୂର୍ଣ୍ଣ ଅଣ ରାଜନୈତିକ ସଂଗଠନ କେବିକେ କନ୍ଧମାଳର ୧୦ ଟି ଜିଲ୍ଲାର ସମ୍ମିଳନୀ କଳାହାଣ୍ଡିର ଭବାନୀପାଟଣାରେ ଅନୁଷ୍ଠିତ ହୋଇଯାଇଛି । କେବିକେ ଓ କନ୍ଧମାଳ ଅଞ୍ଚଳକୁ କେନ୍ଦ୍ର ସରକାରପରିବର୍ତ୍ତନ ପରେ ବନ୍ଦ ହୋଇଥିବା ବିଭିନ୍ନ କେନ୍ଦ୍ରୀୟ ଅନୁଦାନର ପୁନଃକାର୍ଯ୍ୟକ୍ଷମ ପାଇଁ ଦାବି କରିଛନ୍ତି ।
ଗ୍ରୀନ କଳାହାଣ୍ଡିର ଆବାହକରେ ପ୍ରତ୍ୟେକ୍ଷ ଭାବେ ପୂର୍ବତନ ସାଂସଦ ତଥା ବରିଷ୍ଠ କଂଗ୍ରେସ ନେତା ଭକ୍ତଚରଣ ଦାସଙ୍କ ପୌରାହିତ୍ୟରେ ଏହି ସମ୍ମିଳନୀ ଅନୁଷ୍ଠିତ ହୋଇଥିଲା । ଦେଶର ସବୁଠୁ ପଛୁଆ ଅଞ୍ଚଳ ଭାବେ ପରିଚିତ କେବିକେ ଓ କନ୍ଧମାଳ ଅଞ୍ଚଳର ବିକାଶ ପାଇଁ ସ୍ବୟଂଶାସିତ ପରିଷଦ ଅଞ୍ଚଳ ଗଠନ ପାଇଁ ଅଣ୍ଟା ଭିଡିଛନ୍ତି । ଏହି ସମ୍ମିଳନୀରେ କଳାହାଣ୍ଡିରେ କେବିକେ କନ୍ଧମାଳର ୧୦ ଟି ଜିଲ୍ଲାର ଏକ ହଜାରରୁ ଊର୍ଦ୍ଧ୍ବ କଂଗ୍ରେସ କର୍ମୀ, ବାମଦଳ, ବୁଦ୍ଧିଜୀବୀ ଓ ସମର୍ଥକ ଯୋଗ ଦେଇଛନ୍ତି। ୨୦୧୪ରୁ କେନ୍ଦ୍ର ସରକାରର ପରିବର୍ତ୍ତନ ପରେ ବନ୍ଦ ହୋଇଥିବା ବିଭିନ୍ନ କେନ୍ଦ୍ରୀୟ ଅନୁଦାନର ପୁନଃକାର୍ଯ୍ୟକ୍ଷମ ସହ ଆଞ୍ଚଳିକ ବୈଷମ୍ୟତା ଦୂର କରିବା ପାଇଁ ମତପ୍ରକାଶ ପାଇଛି । ଏଥିସହ ନୂତନ ଭାବେ କେବିକେ ଓ କନ୍ଧମାଳ ଅଞ୍ଚଳକୁ ନେଇ ସ୍ବତନ୍ତ୍ର ଉନ୍ନୟନ ପରିଷଦ ଗଠନ ପାଇଁ ଆଲୋଚନା କରିଛନ୍ତି।