ଭବାନୀପାଟଣା:ଆଜି ପବିତ୍ର ରାମନବମୀ । ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଚନ୍ଦ୍ରଙ୍କ ଜନ୍ମୋଉତ୍ସବ ପାଳନ କରାଯାଉଛି । ଏ ଅବସରରେ କଳାହାଣ୍ଡିରେ ମଧ୍ୟ ରାମ ନବମୀ ଧୁମଧାମରେ ପାଳିତ ହେଉଛି ।
ପବିତ୍ର ରାମନବମୀ:କଳାହାଣ୍ତିରେ ଶ୍ରୀରାମଚନ୍ଦ୍ରଙ୍କ ଜନ୍ମୋଉତ୍ସବ ପାଳିତ
ଜିଲ୍ଲା ବିଶ୍ବ ହିନ୍ଦୁ ପରିଷଦ ପକ୍ଷରୁ ଭବାନୀପାଟଣା ଠାରେ ରାମ ନବମୀ ପାଳିତ ହୋଇଯାଇଛି । ପରିଷଦ ପକ୍ଷରୁ ଏକ ସଂକୀର୍ତ୍ତନ ଶୋଭାଯାତ୍ରାରେ ବାହାରି ରାମ ନାମ ଗାନ କରି ସହର ପରିକ୍ରମା କରିବା ସହ ସହରର ରାଧକୃଷ୍ଣ ମନ୍ଦିରରେ ପହଞ୍ଚି ଭଜନ ସମାରୋହ ଅନୁଷ୍ଠିତ ହୋଇଥିଲା। ସହରେ ଥିବା ରାମ ନବମୀ ଉତ୍ସବ ସମିତି ପକ୍ଷରୁ ଏକ ବିଶାଳ ପାଇକ ଶୋଭାଯାତ୍ରା ଅନୁଷ୍ଠିତ ହୋଇଥିଲା ।