ଭିଜିଲାନ୍ସ ଜାଲରେ ଆଇସିଡିଏସ ସୁପରଭାଇଜର

୧୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଲେ କଳାହାଣ୍ଡି ଭବାନୀପାଟଣା କୁଟୁରୁଖମାର ସେକ୍ଟର ଆଇସିଡିଏସ ସୁପରଭାଇଜର ରାଧାରାଣୀ ଦେଇ ।

ଭବାନୀପାଟଣା: ଭିଜିଲାନ୍ସ ଜାଲରେ ଆଇସିଡିଏସ ସୁପରଭାଇଜର । ୧୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଲେ କଳାହାଣ୍ଡି ଭବାନୀପାଟଣା କୁଟୁରୁଖମାର ସେକ୍ଟର ଆଇସିଡିଏସ ସୁପରଭାଇଜର ରାଧାରାଣୀ ଦେଇ ।

ଭବାନୀପାଟଣା ବ୍ଲକ କୁରୁମାଚୁଆଁର ଅଙ୍ଗନବାଡି କର୍ମୀ ସିମନ୍ତିନି ନାଏକ ଠାରୁ ଅକ୍ଟୋବର, ନଭେମ୍ବର, ଓ ଡିସେମ୍ବର ମାସର ଅଣ୍ଡା ଓ ପନିପରିବାର ବିଲ୍‌ କରିଦେଇ ୧୦ ହଜାର ଟଙ୍କା ଦାବି କରିଥିଲେ । ଅଭିଯୋଗକୁ ଭିତ୍ତି କରି ପୂର୍ବ 2 ଯୋଜନା ଅନୁଯାୟୀ ତାଙ୍କ ଭଡାଘରୁ ୧୦ ହଜାର ଟଙ୍କା ଲାଞ୍ଚ ନେଉଥିବା ସମୟରେ ଭିଜିଲାନ୍ସ ହାତରେ ଧରା ପଡିଛନ୍ତି ଲାଞ୍ଚୁଆ ସୁପରଭାଇଜର।

ଏହି ଚଢ଼ାଉରେ ବର୍ତ୍ତମାନ ସୁଦ୍ଧା ସୁପରଭାଇଜର ରାଧାରାଣୀ ଦେଇଙ୍କ ଘରୁ ନଗଦ ଟଙ୍କା ସହ ସୁନା ଅଳଙ୍କାର ଓ ବିଭିନ୍ନ କାଗଜପତ୍ରକୁ ଭିଜିଲାନ୍ସ ଟିମ ଜବତ କରିଥିବା ବେଳେ ଚଢ଼ାଉ ଜାରି ରହିଛି ।

କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ