ଭବାନୀପାଟଣା: କଳାହାଣ୍ଡି ଜିଲ୍ଲାରେ ରବିଋତୁ ଧାନ ସଂଗ୍ରହ ପ୍ରକ୍ରିୟାକୁ ତ୍ବରାନ୍ବିତ କରିବା ପାଇଁ ଜିଲ୍ଲା ଯୋଗାଣ ବିଭାଗ ପକ୍ଷରୁ ୧୨୮ ଗୋଟି ଧାନ ମଣ୍ଡି ଖୋଲା ଯାଇଥିଲା । ଯେଉଁଥିରେ ୨୬ ଲକ୍ଷ ୨୬ ହଜାର କ୍ବିଣ୍ଟାଲ ଧାନ କ୍ରୟ ପାଇଁ ଲକ୍ଷ ରଖିଥିଲା ଜିଲ୍ଲା ପ୍ରଶାସନ। ଦୀର୍ଘ ଗୋଟିଏ ମାସ ଧରି ଜିଲ୍ଲାରେ ଧାନ କିଣା ପ୍ରକ୍ରିୟା ଜାରି ରହିଥିଲା କିନ୍ତୁ, ଗତ ଜୁନ ୩୦ ତାରିଖ ଦିନ ଟାର୍ଗେଟ ନଥିବା ଦେଖାଇ ମଣ୍ଡି ମାନଙ୍କୁ ବନ୍ଦ କରିଦେଇଛି ଜିଲ୍ଲା ପ୍ରଶାସନ ।
ମଣ୍ଡିରୁ ଧାନ ଉଠାଣ ପାଇଁ ବିଜେପିର ରାଜ୍ୟପାଳଙ୍କୁ ଦାବିପତ୍ର
ସେପଟେ ଟୋକନ ଲ୍ୟାପ୍ସ ହେବା କାରଣରୁ ଅନେକ ମଣ୍ଡିରେ ଖୋଲା ଆକାଶ ତଳେ ପଡି ରହିଛି ହଜାର ହଜାର କ୍ବିଣ୍ଟାଲ ଧାନ । ଜିଲ୍ଲାରେ ମୌସୁମୀ ବର୍ଷା ଲାଗି ରହିଥିବା ବେଳେ ମଣ୍ଡିରେ ପଡି ଧାନ ସବୁ ନଷ୍ଟ ହେବାକୁ ବସିଲାଣି, ଯାହାକୁ ନେଇ ରାଜ ରାସ୍ତାରେ ଅନ୍ନଦାତା ।