ହାଇଓ୍ବା ଧକ୍କାରେ ଭଉଣୀ ମୃତ, ଭାଇ ଗୁରୁତର

କଳାହାଣ୍ଡି ଜିଲ୍ଲା ବିଶ୍ବନାଥପୁରରେ ହାଇଓ୍ବା ଧକ୍କାରେ ଭଉଣୀ ମୃତ ଭାଇ ଗୁରୁତର । ଘଟଣା ସ୍ଥଳରେ ପୋଲିସ ପହଞ୍ଚି ଏକ ମାମଲା ରୁଜୁ କରି ତଦନ୍ତ ଜାରି ରଖିଛି । ଅଧିକ ପଢନ୍ତୁ...

ଭବାନୀପାଟଣା: ହାଇଓ୍ବା ଧକ୍କାରେ ଭଉଣୀ ମୃତ ଭାଇ ଗୁରୁତର । କଳାହାଣ୍ଡି ଜିଲ୍ଲା ପୋଖରୀବନ୍ଧ ଛକରେ ଘଟିଛି ଦୁର୍ଘଟଣା । ସୂଚନା ଅନୁଯାୟୀ କଳାହାଣ୍ଡି ଜିଲ୍ଲା ବିଶ୍ବନାଥପୁରର ଜ୍ୟୋତି ପୋଡଓ୍ବାଲ ତାଙ୍କ ବଡ଼ ଭଉଣୀ ନମିତାଙ୍କୁ ମାଙ୍କ ଶ୍ରାଦ୍ଧ ପୂଜା ସାରି ଆମ୍ବାଦୋଳା ଛାଡିବାକୁ ଯାଉଥିବା ବେଳେ ପୋଖରୀବନ୍ଧ ଛକ ନିକଟରେ ଏକ ହାଇଓ୍ବା (ଓଡ଼ି ୧୮ ଜି ୧୦୧୧) ବାଇକକୁ ଧକ୍କା ଦେଇଥିଲା । ଫଳରେ ଚକ ତଳେ ଚାପି ହୋଇ ନମିତା ଘଟଣା ସ୍ଥଳରେ ହିଁ ମୃତ୍ୟୁ ବରଣ କରିଥିବାବେଳେ ଜ୍ୟୋତି ଗୁରୁତର ଆହତ ହୋଇଥିଲେ ।

ଘଟଣାକୁ ନେଇ ସ୍ଥାନୀୟ ଅଞ୍ଚଳରେ କିଛି ସମୟ ପାଇଁ ଉତ୍ତେଜନା ପ୍ରକାଶ ପାଇଥିଲା । ସୂଚନା ପାଇ ପୋଲିସ ଓ ପ୍ରଶାସନିକ ଅଧିକାରୀ ଘଟଣା ସ୍ଥଳରେ ପହଞ୍ଚି ଲୋକାଙ୍କୁ ବୁଝାସୁଝା କରିଥିଲେ । ବିଶ୍ଵନାଥପୁର ପୋଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି ।

କଳାହାଣ୍ଡିରୁ ଅଜିତ ସିଂ ଇଟିଭି ଭାରତ