ଭବାନୀପାଟଣା: କଳାହାଣ୍ଡି ଜିଲ୍ଲାରେ ଅନେକ ଦିନରୁ ବାଲି ଏବଂ ପଥର ଖାଦାନରୁ ବେଆଇନ ବାଲି ଓ ପଥର ହରିଲୁଟ ହେଉଥିବା ଅଭିଯୋଗ ହୋଇ ଆସୁଥିଲା। ଏନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶିତ ହେବାପରେ ଜିଲ୍ଲା ପ୍ରଶାସନ ଏବେ ଆକ୍ସନ ମୋଡରେ ରହିଛି।
ଗୋଲାମୁଣ୍ଡା ତହସିଲ ବୈଜଲପୁର ଗାଁରେ ଥିବା କ୍ରସରକୁ ସିଲ କରାଯାଇଛି । ଗୋଲାମୁଣ୍ଡା ତହସିଲଦାର ଓ ଧର୍ମଗଡ ତହସିଲଦାରଙ୍କ ସହ ଏକ ସ୍ବତନ୍ତ୍ର ଟିମ କ୍ରସର ଉପରେ ଚଢାଉ କରି ଏହାକୁ ସିଲ କରିଛନ୍ତି।
କଳାହାଣ୍ଡିରେ ବେଆଇନ କ୍ରସର ସିଲ
ଏହାସହ କେତେକ ହାଇଓ୍ବା, ଟ୍ରାକ୍ଟର ଓ ଲୋଡରକୁ ମଧ୍ୟ ଥାନାରେ ଅଟକ ରଖାଯାଇଛି। ସେହିପରି ଯେଉଁଠି ଲିଜ ପରିମାଣରୁ ଅଧିକ ପଥର ଉତ୍ତୋଳନ କରାଯାଉଛି ସେଠାରେ କାର୍ଯ୍ୟନୁଷ୍ଠାନ ହେଉଛି। ବହୁ ଲିଜଧାରୀମାନେ ଲିଜ ନେଇଥିବା ପରିମାଣ ଠାରୁ ଢେର ଅଧିକ ପରିମାଣର ବାଲି ଓ ପଥର ଉତ୍ତୋଳନ କରୁଥିବା ଅଭିଯୋଗ ହେବା ପରେ ଏପରି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।