ଭବାନୀପାଟଣା:ଗୋରୁ ଚାଲାଣର ହବ ପାଲଟିଛି କଳାହାଣ୍ଡିର ଜୟପାଟଣା ବଜାର (Jaypatana Bazaar)। ଏହି ସାପ୍ତାହିକ ବଜାରରେ ଜିଲ୍ଲା ଅନେକ ଅଞ୍ଚଳରୁ ବହୁ ସଂଖ୍ୟାରେ ଗୋରୁ ଚାଲାଣ ହେଉଛି । ମହୁଲପାଟଣା ଓ ଢୁଲୁଘାଟି ଦେଇ ବାହାର ଜିଲ୍ଲା ତଥା ରାଜ୍ୟକୁ ବେଆଇନ ଭାବେ ଶହଶହ ଗୋରୁ ଚାଲାଣ ହେଉଥିବା ବେଳେ ଏଥି ପ୍ରତି ପ୍ରଶାସନର ନିଘା ନଥିବା ଏବେ ଅଭିଯୋଗ ହୋଇଛି । ଫଳରେ ଦିନକୁ ଦିନ ଅଞ୍ଚଳରେ ଗୋରୁଙ୍କ ସଂଖ୍ୟା ଲୋପ ପାଇବାରେ ଲାଗିଛି ।
ଜୟପାଟଣା ବଜାର ପାଲଟିଛି ଗୋରୁ ଚାଲାଣର କେନ୍ଦ୍ରସ୍ଥଳୀ, ଚେଇଁ ଶୋଇଛି ପ୍ରଶାସନ !
ଗୋରୁ ଦଲାଲ ମାନେ ଗାଁ ମଧ୍ୟକୁ ଯାଇ କମ ଟଙ୍କାରେ ଗାଇଗୋରୁ କିଣି ଉଚ୍ଚ ଦରରେ ଚାଲାଣ କରୁଛନ୍ତି । ତେବେ ଗୋରୁ ଚାଲାଣ ହେଉଛି ସତ ହେଲେ ଏତେ ସଂଖ୍ୟକ ଗୋରୁ ଯାଉଛି କୁଆଡେ, ସେନେଇ ଏବେ ସମସ୍ତଙ୍କ ମନରେ ପ୍ରଶ୍ନ ଉଙ୍କି ମାରୁଛି । ତେବେ ପରୋକ୍ଷରେ ଏହି ଅଭିଯୋଗ ଗୋମାଂସ ବ୍ୟାପାରକୁ ଇଙ୍ଗିତ କରୁଛି ।